Artisti nga Porto Riko, Ricky Martin, ka mbërritur gjatë ditës së sotme (18 korrik) në Tiranë.
Disa orë pas arritjes së tij në kryeqytet, ylli me famë botërore ka përshëndetur të gjithë me një video-mesazh, ku i fton fansat në koncertin e tij më 20 korrik.
“Përshëndetje Shqipëri. Si jeni? Unë jam Ricky Martin dhe sapo kam mbërritur në Tiranë. Jam shumë i lumtur që jam këtu sepse kam një koncert të madh në sheshin “Skënderbej” në 20 korrik”. Dua të jeni të gjithë aty dhe bëhuni gati për të kërcyer pasi do të jetë shumë fantastik. Shihemi së shpejti”,-u shpreh ai.
Kujtojmë që në Tiranë vetëm pak javë më parë mbajti një koncert artisti tjetër latin, Enrique Iglesias.
