Këngëtarja Rozana Radi ka qenë gjithnjë e rezervuar rreth jetës së saj sentimentale. Prej një viti ajo është përfolur për një lidhje me një oficer të Prokurorisë së Tiranës, ndërsa ka ardhur koha që ajo t’u japë fund thashethemeve dhe ta gëzojë lidhjen e saj edhe në publik.
Këngëtarja është fotografuar gjatë pushimeve të saj në plazh, së bashku me Shpëtim Karakushin, të dashurin e saj prej 4 vitesh. Në fotot e publikuara nga “Panorama” ata duken më të dashuruar se kurrë ndërkohë që nuk i kursejnë përkëdheljet njëri-tjetrit. Mesa duket, pas lidhjes me MC Kresha, tashmë jeta sentimentale e Radit është e stabilizuar, ndërkohë që shijon dashurinë me Shpëtimin, oficerin gjyqësor në Prokurorinë e Tiranës.
