Tashmë është zyrtare; “Eurovision Song Contest 2023” do të organizohet në Mbretërinë e Bashkuar, ka konfirmuar EBU. Tani do të fillojë një proces tenderimi për të përcaktuar qytetin pritës. Një mori qytetesh tashmë kanë shprehur interes, duke përfshirë Birmingham, Liverpool, Glasgow, Londër dhe Wolverhampton. BBC do të marrë detyrat e pritësit pas njoftimit se Ukraina nuk do të jetë në gjendje të organizojë Eurovizion për shkak të çështjeve të sigurisë.
Në një deklaratë për shtyp të EBU-së u njoftua se ky vendim ishte marrë pas eksplorimit të organizimit të Konkursit në Ukrainë, dhe me keqardhje arriti në përfundimin se për arsye sigurie kjo nuk ishte e mundur.
Si rezultat i këtyre diskutimeve, BBC, si e dyta në Konkursin 2022, u ftua nga për të vepruar si transmetues pritës për konkursin e 67-të të këngës në Eurovizion.
Ukraina, si vendi fitues në vitin 2022, do të kualifikohet automatikisht në Finalën e Madhe të Konkursit të ardhshëm së bashku me të ashtuquajturat ‘Big 5’ (ato vende që kontribuojnë financiarisht më shumë në Konkursin: Franca, Gjermania, Italia, Spanja dhe Mbretëria e Bashkuar).
“Ne jemi jashtëzakonisht mirënjohës që BBC ka pranuar të organizojë Festivalin e Këngës së Eurovizionit në MB në 2023”- tha Martin Österdahl, Mbikëqyrësi Ekzekutiv i Eurovision Song Contest. BBC ka marrë përsipër detyrat e pritjes për vendet e tjera fituese në katër raste të mëparshme. Duke vazhduar në këtë traditë solidariteti, ne e dimë se Konkursi i vitit të ardhshëm do të shfaqë kreativitetin dhe aftësinë e një prej transmetuesve publikë më me përvojë të Evropës, ndërsa do të sigurojë që fituesit e këtij viti, Ukraina, të festohen dhe të përfaqësohen gjatë gjithë ngjarjes”.
Logoja për shfaqjen e 2023 do të zbulohet gjithashtu më vonë dhe do të pasqyrojë organizimin unik të Konkursit të vitit të ardhshëm dhe bashkëpunimin midis vendit pritës dhe fituesve të këtij viti.