Fundjavën që lamë pas kryeministri Edi Rama bëri me dije se tashmë, në kuadër të masave të marra për parandalimin e përhapjes së COVID-19, do lejohet të dalë nga shtëpia për pazaret apo veprime të tjera të nevojshme vetëm një pjesëtar.
Leja merret në portalin e-Albania, i cili nuk ka funksionuar sepse ka patur mbingarkesë pas lajmërimit të Ramës.
Së fundmi, kryeministri Edi Rama me anë të një statusi në Facebook ka bërë me dije se nga dita e nesërme nis zbatimi i lejeve për daljen e vetëm një personi të familjes nga banesa, teksa thekson se aplikacioni në “e-Albania” për leje-daljen është plotësisht funksional.
“APLIKACIONI PËR LEJE-DALJEN E VETËM NJË PERSONI NGA FAMILJA PËR PAZAR ËSHTË PLOTËSISHT FUNKSIONAL. NGA NESËR NUK KA MË KËSHILLIME PËR SHKELËSIT!”, shkruan Rama.
https://www.facebook.com/edirama.al/videos/3103098669722004/?__xts__[0]=68.ARBA3Y_kAch55aIhoYX6sLx2UTmJvgemkPll9FqT92sJCTfqj7sLT44IaL63BLIf4h8jZwkNuSisRU2TVDzYhtf7hHODJZaq6KQrbCpiDkU7_n3FJwH1H7nGd9KOVXbpfQdek3yfAE703EHvtrDKoszvbuWILue0ddfAJG2tb_baWWOQOB2JnxFEi_CTNo6l14E_6UmpcdbSDZSe4lEKiH7eZrV1apQWvuKP84WGGpxAqolN6W09UbddARKlN6loWK3PBPhlohnEMBWNEqmmptKjj6ARuqz2dn2VnhbhZXFo71tpFdLxoiZZbLzjm66FwFMGS0STodAKdnZG_4bFh9rdpJN-1m2c&__tn__=-R
Ditën e sotme ndërruan jetë 2 pacientë duke e çuar në 15 numrin e viktimave nga COVID-19 në vendin tonë.
Sakaq, ka shkuar në 243 numri i të prekurve nga COVID-19, pasi gjatë 24 orëve të fundit janë shënuar 20 raste të reja nga 145 testime të kryera.
Në urgjencën e Infektivit janë të shtruar 77 persona, ku 8 prej tyre ndodhen në terapi intensive, 3 prej të cilëve janë intubuar.
Durrësi ka një shtim të ndjeshëm të numrit të të prekurve me 12 raste të reja, duke shkuar në 26, por nga ana tjetër gjatë 24 orëve të fundit janë shëruar edhe 8 pacientë duke e çuar numrin në 52 numrin e të shëruarve në total.
Shpërndarja gjeografike e rasteve pozitive, është si vijon:
– Tiranë 129 raste
– Durrës 26 raste
– Lushnje 4 raste
– Elbasan 5 raste
– Fier 23 raste
– Kavajë 4 raste
– Rrogozhinë 2 raste
– Korçë 15 raste
– Vlorë 5 raste
– Shkodër 8 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 4 raste
– Pukë 3 raste
– Mirditë 2 raste
/gazetareforma
