Menopauza është një nga periudhat më të vështira për gratë, mbi të gjitha psikologjikisht. Mendojnë për afshet e nxehta, luhatjet emocionale, pagjumësinë dhe shenjat e tjera që thuhet se e ndjekin.
Jo çdo gjë që iu kanë thënë është e vërtetë, lexoni 4 mitet që nuk duhet të besoni për menopauzën:
Miti I: Menopauza fillon rreth moshës 50 vjeç
Sipas “Healthline”, mosha mesatare kur gratë fillojnë të kalojnë në menopauzë është 51, por kjo nuk do të thotë që shumë gra të tjera mund të përjetojnë një menopauzë të hershme. Zyrtarisht një grua është në menopauzë, kur për të paktën një vit nuk ka patur perioda.
Miti II: Afshet e nxehta janë shenjat e parë të menopauzës
Jo domosdoshmërish. Afshet e nxehta dhe menopauza janë sinonim i njëra-tjetrës, pasi mund të përjetoni shumë shenja të tjera, paralajmëruese të kësaj faze. Simptomat e tjera përfshijnë lodhje, shtim në peshë, nervozizëm dhe puçrra
Miti III: Sa më vonë t’ju vijnë periodat, aq më vonë do të kaloni në menopauzë
Fatkeqësisht sipas studimeve klinike të ndryshme, rezulton të jetë e kundërta. Gjithashtu thuhet se femrat kalojnë në menopauzë rreth moshës që ka kaluar nëna e tyre.
Miti IV: Menopauza shkatërron jetën tuaj seksuale
Gratë mund të gëzojnë jetë seksuale të shëndetshme dhe aktive gjatë dhe pas menopauzës. Një studim zbuloi se menopauza nuk luan një rol të madh në problemet seksuale siç mendohej më parë.
Burimi: PureWOW
