Publikohet fotoja: Kush është peshkatari, baba i 4 fëmijëve që u vra në atentatin e Shkodrës

Është publikuar fotoja e 40-vjeçarit që u vra paraditen e sotme në qytetin e Shkodrës.

Fatos Ferracaku ndërroi jetë në spital ndërsa i plagosuri Fatmir Mehaj, është jashtë rrezikut për jetën, nën kujdesin e mjekëve.

Lexo edhe :

Ishte vetëm 23 vjeç kur një ndeshje i ndryshoi jetën përgjithmonë/ Shuhet Prichard Colón, boksieri që kaloi 221 ditë në koma

22:27 13/08/26

Kur të vjedh njeriu që i besoje më shumë: A mund të shpëtojë një miqësi pas një tradhtie të tillë?

14:28 13/08/26

Ferracaku punonte si peshkatar dhe ishte baba i katër fëmijëve. Ai kishte lidhje gjaku me Arjan Ferracakun, që u vra më 1 shtator 2018. Fatos Ferracaku dhe Arjan Ferracaku ishin kushërinj të dytë. Ky i fundit u vra me breshëri kallashnikovi teksa po kalëronte me dy kushërinjtë e tij në zonën e Livadheve, ku ishin duke bërë stërvitje.

Si ndodhi atentati në Shkodër

Dy persona, me skafandra e të armatosur, po lëviznin me motoçikletë në merkatën e peshkut. Befas një prej tyre ka zbritur nga motoçikleta dhe ka qëlluar drejt Ferracakut i cili ndodhej në shoqërinë e Fatmir Mehajt.

Ky i fundit ka dashur të ndërhyjë por ka marrë një plumb në këmbë dhe ndodhet në spital, jashtë rrezikut për jetën. Pas ngjarjes autorët i kanë vënë flakën motoçikletës në periferi të Shkodrës dhe janë larguar me makinë.

/NewsBomb