Mëngjesin e sotëm, një grua nga Gjakova ndërroi jetë për shkak të Covid-19.
Ajo ishte në pritje të ëmbël mirëpo nuk ka mundur të qëndrojë në jetë derisa të sillte fëmijën e saj.
Pas ditësh në mjekim intensiv, gruaja ka ndërruar jetë dhe fatkeqësisht me të edhe foshnja.
Lajmin e hidhur e ka dhënë bashkëshorti i viktimës, i cili shprehet se foshnja me të ëmën janë tashmë në qiell.
“Aq shumë e doje jetën saqë luftove deri në momentin e fundit për jetën tande bashkë me jetën e foshnjës në kraharorin tand. Tani me foshnjën tënde në parajsë, gëzoni lumturinë e jetës së amshuar. Ishe një grua, nënë, bijë, motër, nuse shumë e qetë, plotë lumturi, dashuri, kujdes për të tjerët. Tani ju, nanë e foshnje, jeni engjëj në qiell, të cilët luteni për ne e na mbroni. Mos na harro.”- janë fjalët e bashkëshortit.
Mësohet se çifti ka edhe dy fëmijë të tjerë.
