Luana Vjollca ka lënë gati puntatën e rradhës së emisionit “Shiko Kush Luan” dhe është arratisur për disa ditë jashtë Shqipërisë. Moderatorja publikoi mëngjesin e së premtes një foto ku shfaqej lindja e diellit nga dritarja e avionit krahas së cilës shkruante: “Më në fund pak pushim!”
Disa orë më pas, në profilin e saj në “Instagram”, Luana publikoi një foto ku prezantonte ‘shtëpinë’ e saj të re. Në dhomën e hotelit, ku të gjitha detajet ishin në ngjyrë rozë, duket se kishin trokitur festat e fundvitit. E gjithë dhoma ishte dekoruar me kuti dhuratash të paketuara në ngjyrë të kuqe, duke sjellë atmosferën e Krishtlindjeve. Duket se Luana e ka adhuruar dekorimin e ambientit, e ndoshta do e sjellë edhe në shtëpinë e saj.
