Pak javë më parë Bleona Qerreti publikoi këngën më të re me titull “Wicked Game”, i cili u mirëprit prej fansave. Menjëherë pas kësaj duket se këngëtarja ka vendosur të sjellë edhe projekte të reja muzikore.
Ajo tashmë është në përgatitje të projektit të ri që do ta shoqërojë me videoklip i cili pritet të jetë i veçantë. Këtë e bëri të ditur vetë ajo përmes një fotoje të publikuar në Instagram ku shfaqej e veshur me një rrjet me xixa, poshtë së cilës nuk kishte veshur asgjë.
Mirëpo kjo pamje e saj duket se disa ndjekësve u ka ngjarë me Kim Kardashian, të cilët nuk kanë nguruar ta kritikojnë këngëtaren, madje disa prej tyre e kanë akuzuar se po imiton yllin amerikan.
Por ashtu si shpeshherë Bleona nuk ka përtuar të replikojë ndaj komenteve dhe njërit prej tyre i është përgjigjur duke i thënë: “Unë kam qenë Kimi para Kim-it ti yll. Me që di shqip, besoj kupton çfarë po them”.
