“Akoma se besoj” ishte kënga që i fali suksesin në Shqipëri këngëtarit Devis Xherahu, si dhe e njohu me Ertemiona Mejdanin, sot partnerja e tij. Mirëpo në atë kohë, Xherahu ishte ende i martuar me piansten Paola Kondakçi, e cila kishte shkruar edhe vargjet e këngës.
Nuk desh shumë kohë dhe lajmi mori dhenë se ata kishin vendosur të ndahen dhe se Xherahu kishte nisur një histori të re dashurie me Miss Shqipërinë 2009, Ertemiona Mejdani.
I ftuar sot në studion e emisionit “Rudina” në televizionin “Klan”, Devisi dhe Ertemiona rrëfyen detajet e historisë së tyre të dashurisë.
“Ishim shumë të ftohtë me njëri-tjetrin në videoklipin e parë që realizuam. Unë nuk e çoja ndërmend se mund të ndjeja diçka për Devisin, pasi e konsideroja vetëm mik. Më pas, gjërat ndryshuan kur më kërkoi të merrja pjesë në xhirimet e klipit të këngës së tij të dytë.” – u shpreh Ertemiona.
“Qëlluam që kishim karakter të përbashkët, ishte shumë koiçidencë” – tha Devisi.
“Edhe përse kemi 17 vite diferencë, nuk e kemi ndjerë asnjëherë” – tregoi Ertemiona.
Modelja theksoi se ka bërë shumë sakrifica për hir të dashurisë, ndaj refuzon të gjitha ofertat e modelingut që janë shumë larg Shqipërisë. Prej më shumë se gjashtë vitesh të dashuruar, çifti dha detaje për dasmën e ëndrrave, po pa dhënë një datë fikse.
“10-20 veta, vetëm familjarët dhe një kurorëzim në kishë, pastaj marim avionin e nisemi për në muajin e mjaltit, kaq duam” – u shpreh çifti në studion e emisionit “Rudina”.
