Një mjeke kardiologe është infektuar me koronavirus në qytetin e Korçës, duke u bërë rasti i 12 me Covid-19 në këtë qytet.
“ABC News” raporton sot se mjekja kardiologe është e moshës 52 vjeçe dhe është e vetëkarantinuar në banesën e saj në qytetin e Korçës.
Sipas burimeve për median, mjekja dyshohet se është infektuar nga Covid-19 në spitalin “Shefqet Ndroqi”, ndërsa ka shoqëruar një të sëmurë.
Por dyshimi i dytë lidhet me faktin që mjekja mund të jetë infektuar ndërsa ka patur nevojë për ndihmë mjekësore pasi ka patur shenja të gripit.
Dyshohet se 52-vjeçarja ka patur kontakte të shumta me persona të tjerë gjatë kësaj kohe.
Numri i të prekurve me koronavirus në Shqipëri ka shkuar në 186, ndërsa numri i jetëve të humbura ka shkuar në 8.
Në Spitalin Infektiv janë shtruar 77 persona, 5 prej të cilëve ndodhen në terapi intensive.
Harta e personave të infektuar përfshin tashmë edhe qytetin e Pukës.
Shpërndarja gjeografike e rasteve pozitive, është si vijon:
– Tiranë 107 raste
– Durrës 11 raste
– Lushnje 4 raste
– Elbasan 5 raste
– Rrogozhinë 2 raste
– Fier 20 raste
– Kavajë 4 raste
– Korçë 12 raste
– Vlorë 5 raste
– Shkodër 4 raste
– Lezhë 4 rast
– Berat 1 rast
– Has 2 raste
– Krujë 1 rast
-Tropojë 2 raste
– Pukë 2 raste
/abcnews.al
