Pas debateve të shumta mbi ekfetshmërinë e medikamenteve kundër koronavirusit, Italia ka mërrë më në fund një hap në zyrtarizimin e përdorimit të ilaçit kundër malaries chloroquine/hydrochloroquine dhe kombinimeve të ilaçeve kundër HIV-it: lopinavir/ritonavir (i tregtuar me emrin Kaletra/Aluvia), danuravir/cobicistat, ritonavir e danuravir.
Në dokumentin e publikuar nga Shërbimi Kombëtar i Shëndetësisë në Itali thuhet se këto medikamente do të shpërndahen nga farmacitë spitalore në strukturat e nevojshme ndërsa hapi i dytë është ai i autorizimit të përdorimit të këtyre medikamenteve nga ana e mjekëve të familjes.
Deri më tani, në protokollin e terapisë për pacientët e prekur nga koronavirusi në Itali kanë qenë në fazë eksperimentale (të bazuar në eksperiencën e Kinës) medikamentet Actemra (ilaç kundër artritit), Remdesivir (ilaç eksperimental për Ebolan), chloroquine/hydrochloroquine si dhe Kaleytra (ilaç kundër HIV-it).
Ndërkohë në Shqipëri vijon të mos ketë një listë të qartë të medikamenteve që po përdoren për të trajtuar pacientët me virusin agresiv, ndërkohë që numri i të vdekurve në vendin ton ditën e sotme ka arritur në 8.
Të dhënat e vetme janë ato jozyrtare të thëna nga mjekët në rrjetet sociale apo në intervista televizive.
Mjeku Tritan Kalo ka bërë të ditur se pacientët në Shqipëri po trajtohen me Aluvia, Actemra dhe Tamiflu (antiviral që ka rezultuar joefektiv), ndërsa dr. Pëllumb Pipero një ditë më parë në emsionin “Opinion” u shpreh se kishte ardhur dhe një ngarkesë e vogël me anti-malarialin chloroquine, i cili pritet të vihet në përdorim.
