U desh denoncimi i ekspertit të IT-së, Gent Progni, që Mirlinda Karcanaj me bashkëpunëtorët e saj të përfundonte në dyert e SPAK.
Të shpeshta ishin thirrjet dhe paralajmërimet e ekspertit Progni, që këto emra dhe shkelje të vendoseshin para drejtësisë, ndërsa për Iconstyle ai siguroi materialin e kallëzimit të tij penal.
KALLEZIMI PENAL
👇🏻👇🏻👇🏻
gent progni
Nëpërmjet këtij kallzimi kërkoj të hetoni faktin se si janë krijuar sistemet që administrohen nga ana e Agjencisë Kombëtare e Shoqërisë së Informacionit (AKSHI), nën drejtimin e Mirlinda Karçanaj. Mua më rezulton se AKSHI ka dhënë për krijimin dhe mirmbajtjen e programeve dhe sistemeve kompjuterike rreth 500.000.000 euro. Këto tendera janë fituar ndër vite vetëm nga 3 subjekte tregtare. -shkruhet ndër të tjera.
Karcanaj është marrë në pyetje disa orë në kuadër të hetimeve që po kryhen nga prokurori Elvin Gokaj.
Punonjës të tjerë të AKSH-it që sipas Prognit kishin për detyrë ruajtjen nga sulmet kibernetike të të gjithë sistemit, që rezultoi me daljen e të dhënave sensitive të milionave shqiptare nga sulmet iraniane janë:
Igli Tafa, subjekti tregtar “Soft & Solution” dhe administratorja Arjola Koromani, Ermal Beqiri, subjekti tregtar “ABS – Advanced Business Solutions”, Gerond Mece, subjekti tregtar “Fastech” dhe administratori Andis Papa, subjekti tregtar “Mega Distribution” dhe administratori Rogers Rryta, subjekti tregtar “Bicontal Solution” dhe administratorja Arlinda Meko.
Duket se ky është fillimi i fundit të të gjitha shkeljeve, vjedhjeve e aferave korruptive për të cilat të gjithë po futen një nga një në “vallen” e SPAK.
