Më në fund e kemi një foto zyrtare të çiftit të sapomartuar, Sara Hoxha dhe Ledion Liço.
Kanë kaluar thuajse 3 javë nga dasma që u mbajt në Komo të Italisë dhe deri më sot, trashëgimtarja e “Top Channel” nuk kishte publikuar asnjë foto nga dita më e lumtur e jetës.
Pak minuta më parë, Sara ka ndërruar foton e profilit, për të vendosur një foto mjaft romantike ku shfaqet duke shkëmbyer një puthje me bashkëshortin e saj.
Fotoja e siguruar nga “iconstyle.al”, e tregon çiftin duke buzëqeshur si për të treguar lumturinë e madhe që ndjenin Sara dhe Ledioni, pasi kurorëzuan dashurinë e tyre.
Sara shihet e veshur me fustanin e nusërisë, pasi ka hequr vellon e kurorëzimit dhe bishtin përrallor, ndërsa Ledioni ka ndërruar xhaketën e zezë me një të bardhë që e tregon mjaft elegant.
Burimi: Iconstyle.al
