Duket se ‘Tingulli Trent’ do të jetë një kujtim i vjetër, pasi Getoar Selimi dhe Agon Sulejmani, ose siç njihet ndryshe si Agon Amiga, kanë ndërprerë çdo lloj marrëdhënie. Madje, Agon Amiga ka nisur me thumbimet ndaj reperit Getoar Selimi sepse i dedikon disa vargje në këngën e tij të fundit me titull “O Bir”, bën të ditur emisioni “Sevenbizz”.
“T’kom msu qa me vesh, t’kom msu qa me ble, sot mas 15 vjetve jeni tu ma tesh”. – këndon ai në këngën “O Bir”.
Kjo këngë paralajmëron largimin e Agon Amigës nga ‘Babastars’, madje pritet që reperi shumë shpejt ta konfirmojë edhe vetë shkëputjen nga grupi. Ky nuk është largimi i parë nga Babastars, pasi edhe reperi Skivi vendosi të shkëputet duke vijuar karrierën e tij solo.
