Jess Glynne është ndër këngëtaret më të dashura, e cila fitoi famë në vitin 2014, falë këngës “Rather Be”.
Por këngëtarja britanike rrezikon të mos prekë më mikrofonin për shkak të problemeve shëndetësore.
Për revistën britaniken “The Sun” Jess është shprehur se është e frikësuar nëse do i duhet të realizojë një operacion të tretë në kordat e saj vokale.
“Nuk mund ta lejoj këtë të ndodhë. Nuk mund të bëj një tjetër operacion, sinqerisht. Zëri im është kaq i dobët dhe delikat. Nëse realizoj një tjetër operacion do të dobësojë akoma më shumë muskujt. Thjesht do të shkatërrohem nëse ndodh.” – tregoi këngëtarja 28-vjeçare.
Këngëtarja e hitit “Don’t Be So Hard on Yourself” është përpjekur disa herë të rikthejë zërin e saj. Momentalisht, ajo është tërhequr nga projektet muzikore për t’iu përkushtuar shëndetit të saj.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
