Ditën e djeshme u mbajt ceremonia e dasmës së Sara Hoxhës dhe moderatorit Ledion Liço. Një dasmë madhështore që tërhoqi vëmendjen e gjithë mediave.
Mirëpo po aq e komentuar sa nusja dhe dhëndri në këtë dasmë ishin edhe të ftuarit. Pjesa më e madhe e tyre personazhe të famshëm, të cilët kishin zgjedhur të shfaqeshin sa më elegant në atë që u cilësua si dasma e viti.
Ndër të ftuarit e shumtë të pranishëm në këtë ceremoni madhështore ishin edhe Ajola Xoxa dhe kryebashkiaku Erion Veliaj.
Ajola, e cila është duke shijuar javët e fundit të shtatzënisë kishte zgjedhur të vishte një fustan të zi tepër elgant që nxirrte në pah format e saj dhe barkun e rrumbullakosur.
Ndërkohë që Ajola shkëlqente nga nuri i shtatzënisë, po aq elegant u shfaq në këtë ceremoni edhe kryebashkiaku Erion Veliaj, i cili u pa tepër i lumtur përkrahë bashkëshortes së tij.
Sikurse zbuloi pak muaj më parë “iconstyle.al”, Ajola Xoxa dhe Erion Veliaj pritet që në muajin shtator të bëhen prindër për herë të parë të një djali.
