iconstyle.al > Celebrity > Anjeza Maja flet për dashurinë: “Mendoja se mundësitë do të ishin më kuti prej ari, por…”

Anjeza Maja flet për dashurinë: “Mendoja se mundësitë do të ishin më kuti prej ari, por…”

Anjeza Maja është një ndër moderatoret më të dashura shqiptare që me thjeshtësinë dhe me elokuencën e saj ka arritur ta bëjë publikun për vete.

Mirëpo ajo gjithmonë ka qenë shumë hermetike dhe publiku di shumë pak detaje nga jeta e saj private. Në një rrëfim për revistën “Who”, Anjeza Maja për herë të parë ka zbuluar shumë detaje nga jeta e saj private, që nga dashuria për palestrën ku ushtrohet vazhdimisht dhe deri tek planet për të hapur së shpejti një biznes të sajin.

Anjeza ka folur në këtë intervistë edhe për dashurinë, ku ka treguar se për momentin nuk ka dikë në krahë, por që si çdo vajzë ëndërron që të ketë një person që ta plotësojë atë.

“Dua të kem dikë, atë dikë-në që duan të gjitha vajzat. Të më dojë për atë që ai gjen tek unë, por nuk është e lehtë. Kur isha më e re mendoja se vitet nuk ikin dhe se mundësitë do të ishin më kuti prej ari, por nuk është gjithmonë kështu. Jeta është fat dhe e kam bindje. Tani, shpresoj që ky fati im mos të vonojë shumë. Nuk kam humor për pasiguri, por rëndësi ka që jam gjithmonë shumë aktive, me punën dhe miqtë. Jam gati të hap një kapitull të ri”, është shprehur Anjeza.

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.