Më 20 korrik Ricky Martin dhuroi një super spektakël në sheshin “Skënderbej” në Tiranë. Artisti i njohur latin zhvilloi koncertin e tij të parë në Shqipëri dhe ishin të shumtë fansat që e ndoqën nga afër performancën e tij.
Pjesë të publikut që ndoqën Ricky Martin ishin edhe një pjesë e mirë e VIP-ave shqiptarë, si Çiljeta Xhilaga, Jonida Aliçkolli, Aulona Musta, Elona Duro, Xhesika Berberi, Arjola Demiri, Endrit Mërtiri, Jonida Vokshi, Fjodora Fjora, Reme Lala, etj.
Këto personazhe sigurisht ndanë pjesë nga performanca e tij në Instagramin e tyre, mirëpo vetëm njërit i bëri repost në rrjetin e tij social, Ricky. Dhe ai ishte Endrit Mërtiri. Krahas këtij postimi Martin shkroi: Të dua Tiranë.
Kujtojmë që Ricky erdhi dy ditë para koncertit në Shqipëri për të vizituar dhe njohur më shumë vendin tonë. Edhe gjatë performancës ai u përpoq të fliste disa fjalë në shqip, teksa në një moment mori edhe flamurin kuq e zi dhe e vendosi mbi shpatullat e tij.
Jo vetëm kaq, ai premtoi se do t’ju fliste të gjithëve për Shqipërinë dhe popullin tonë “mikpritës” siç e cilësoi ai.
