Një tjetër person ka ndërruar jetë si pasojë e Koronavirusit duke e çuar numrin e viktimave në 24 në Shqipëri.
Sipas Ministrisë së Shëndetësisë bëhet fjalë për një 68 vjeçare nga Tirana, e cila ishte prej dhjetë ditësh e intubuar dhe vuante nga veshkat.
68-vjeçarja e prekur nga COVID-19 vuante nga insufencenca renale dhe kishte kryer pesë seanca dialize brenda spitalit infektiv gjatë këtyre ditëve. Pavarësisht përpjekjeve maksimale të stafit mjekësor, 68-vjeçarja nuk ia doli të mbijetojë.
Ndërkohë, ka shkuar në 467 numri i të infektuarve me koronavirus në Shqipëri, me 21 raste të reja të identifikuara në 24 orët e fundit. 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 232.
362 të infektuar, Kosova shton masat e sigurisë
Prej datës 15 prill 2020, në orën 17:00, ndalohet qarkullimi i personave fizikë jashtë shtëpive/banesave të tyre në Kosovë. Shumica e qytetarëve do të kenë vetëm një mundësi të dalin nga shtëpia, një herë në ditë, për 1 orë e gjysmë, për të kryer furnizimin me mallra te domosdoshme, si dhe detyrat dhe nevojat financiare.
Për shkak të rrezikshmërisë së lartë të COVID-19, rekomandohen personat mbi moshën 65 vjeçare që të mos dalin nga shtëpia/banesa përveç në raste urgjente dhe të domosdoshme.
Testimet e fundit shënuan rritjen më të madhe me 73 të infektuar në vend, duke e rritur numrin në 362 të prekur.
Nga 362 të infektuar, 8 prej tyre përfunduan me fatalitet për të cilët u tha të kenë pasur edhe sëmundje të tjera shoqëruese.
Gjermania raporton ditën e katërt të uljes së rasteve të infektimit
Rastet e konfirmuara me koronavirus, vijojnë të ulen në Gjermani, ku Instituti Robert Koch ka njoftuar 2,082 raste të tjera, duke e çuar në total 125.098.
Kjo është rënia e katërt në numrin e rasteve të reja pas katër ditësh rritje.
Plot 170 njerëz të tjerë vdiqën nga virusi, sipas një njoftimi të publikuar të martën.
Kina miraton testimet e dy vaksinave
Kina ka aprovuar testet për dy vaksina eksperimentale për të luftuar koronavirusin e ri, raportoi të martën media e shtetit Xinhua.
Vaksinat janë duke u zhvilluar nga një njësi me seli në Pekin të Sinovac Biotech dhe nga Instituti Wuhan i Produkteve Biologjike, një bashkëpunëtor i Grupit Kombëtar Farmaceutik Kombëtar të Kinës.
World’s 1st inactivated #coronavirus vaccine has been approved for clinical trial on April 12 in China. (People’s Daily) #Covid_19 pic.twitter.com/YIMixHUrGw
— China Daily (@ChinaDaily) April 14, 2020
Kina ka konfirmuar 89 raste të reja të koronavirusit më 13 prill, krahasuar me 108 një ditë më parë.
Komisioni Kombëtar i Shëndetit thotë se 86 raste janë importuar – shumë prej këtyre rasteve po vijnë përmes krahinës verilindore të Heilongjiang, e cila kufizohet me Rusinë.
Numri i çështjeve totale të konfirmuara në Kinë tani arrin në 82.224. Numri i vdekjeve nga pandemia ka shkuar në 3,341, pa vdekje të reja të raportuara më 13 prill. Të gjitha ardhjet në Kinë nga jashtë duhet të kalojnë në një karantinë 14-ditore.
1,9 mln njerëz të infektuar me koronavirus
Rreth 1.92 milionë njerëz në mbarë botën tani janë konfirmuar me koronavirusin e ri, sipas të dhënave të përpiluara nga Universiteti Johns Hopkins. Më shumë se 119.500 kanë vdekur, ndërsa rreth 450,000 janë shëruar.
OBSH do të nxjerrë këshillat e saj më të fundit strategjike për përballimin e epidemisë, që do të përfshijnë gjashtë kritere për heqjen e kufizimeve të lëvizjes.
Më shumë se 10,000 njerëz kanë vdekur tani nga koronavirusi në shtetin e New York.
Shkalla e vdekjes në Itali, Spanjë dhe Francë – tre nga vendet më të prekura nga koronavirusi – duket se po ngadalësohet.
Rusia regjistrroi numrin më të lartë ditor në rastet e koronavirusit me 2.558 infeksione të reja në 24 orët e fundit.
India ka zgjatur një bllokim mbarëkombëtar deri më 3 maj.
