Ndërkohë që disa shtete po përjetojnë rënie të rasteve dhe vdekjeve nga COVID-19, udhëheqësit e tyre dhe qytetarët janë të etur për t’iu rikthyer jetës normale në punë, shkollë dhe lojëra.
Por kufizimet duhet të ngrihen ngadalë dhe me strategji, në mënyrë që të futen në normalitet e jo të çojnë në një valë bllokimesh në të ardhmen, tha kreu i Organizatës Botërore të Shëndetit gjatë një konference shtypi të Organizatës Botërore të Shëndetit, më 13 prill.
Tedros Adhanom Ghebreyesus përcaktoi gjashtë kritere që do t’i ndihmojnë vendet “të përcaktojnë rrugën përpara”, para se të konsiderojnë heqjen e kufizimeve:
1.Transmetimi i virusit është i kontrolluar;
2.Kapacitetet e sistemit shëndetësor janë të vendosura për të testuar, izoluar dhe trajtuar çdo rast dhe gjurmuar çdo kontakt;
3.Rreziqet e shpërthimit minimizohen në ambiente të veçanta si institucionet shëndetësore dhe shtëpitë e pleqve;
4.Masat parandaluese janë vendosur në vendet e punës, shkollat dhe vendet e tjera thelbësore;
5.Rreziqet e importimit mund të menaxhohen;
6.Komunitetet janë plotësisht të edukuar, të angazhuar dhe të fuqizuar për t’u përshtatur me normat e reja.
Business Insider shkruan se këto kritere do të detajohen në udhëzimet e OBSH-së që do të publikohen sot më 14 prill.
/Iconstyle.al
