Ditën e sotme, mediat italiane kanë bërë të ditur se një efektiv policie ka ndërruar jetë për shkak të Covid-19.
Viktima është një 47-vjeçar, i cili humbi jetën mbrëmë në spitalin San Giovanni XXII të Bergamos pasi gjendja e tij shëndetësore ishte përkeqësuar për shkak të virusit.
47-vjeçari shërbente në qëndrën e komandës provinciale të Bergamos, njërit prej vendeve më të prekura nga koronavirusi në Itali.
Efektivi i policisë la pas bashkëshorten e tij dhe një vajzë 10-vjeçare.
Siç bëhet e ditur, ai ndërroi jetë vetëm pak ditë pasi mësoi se ishte pozitiv ndaj Covid-19.
Deri tani, në Itali ka shkuar 56,182 numri i të prekurve, ndërsa kanë humbur jetën 4,032 persona.
