Italia është shteti më i prekur nga virusi vdekjeprurës Covid-19, i cili ka shënuar një bilanc tragjik të jetëve të humbura.
Në një konferencë për shtyp, kreu i Mbrojtjes Civile, Borrelli, bëri të ditur se brenda 24 orëve në Itali janë regjistruar 627 jetë të humbura.
Vetëm në Lombardi, e cila është provinca me e prekur nga COVID -19 kanë ndërruar jetë brenda 24 oreve 381 persona.
Kështu, numri i viktimave nga Covid-19 në Itali ka shkuar deri tani në 4032.
Ky është një bilanc tragjik, i cili vjen në rritje dita-ditës dhe situata po bëhet e papërballueshme.
E gjithë Italia është shpallur zonë e kuqe, ndërkohë që veriu i vendit rezulton më i prekuri nga epidemia.
Në total, numri i rasteve të infektuara me koronavirus në Itali ka shkuar në 56,182.
