Kris Jenner e ka pritur mirë reagimin ndaj pamjes së saj të re.
Pasi rezultatet e ndërhyrjes së saj të fundit për lifting të fytyrës bënë bujë në internet, 69-vjeçarja u bashkua me djalin e saj Rob Kardashian për të krijuar një bluzë që i përkushtohet transformimit të saj.
Eshtë një bluzë e thjeshtë e bardhë me mbishkrimin “Dua atë që Kris Jenner ka bere”, të shkruar me shkronja të zeza. Kjo bluzë me edicion të kufizuar shitet me pakicë për 40 dollarë dhe është në dispozicion në madhësitë S deri në XL. Marka gjithashtu publikoi të njëjtin dizajn në një kapelë për 35 dollarë.
Pamja e saj bëri bujë pasi doli në Paris për festën e beqarisë së Lauren Sánchez. Pasi fotot e transformimit të saj i çuditën fansat, PEOPLE konfirmoi se Kris i ishte nënshtruar përmirësimeve estetike nga kirurgu plastik Dr. Steven Levine në New York City, siç u raportua për herë të parë nga Page Six.
Sipas faqes së internetit të profesionistit të Upper East Side, Levine është një kirurg i çertifikuar “estetik dhe rindërtues” i cili u diplomua nga Shkolla Mjekësore e NYU-së. Pas shkollimit, ai u bashkua me praktikën private të kirurgut plastik Daniel C. Baker në vitin 2013 dhe punoi atje për gati gjashtë vjet para se të hapte praktikën e tij në vitin 2019. Pacientët e tij përfshijnë aktorë të klasit A, supermodele dhe të tjerë.
