Të planifikosh veshjen për festat e fundvitit duhet të jetë gjithmonë një “punë” shumë argëtuese! Ndaj përpara se të nisim sulmin me blerjet duhet të kthejmë sytë edhe tek rrobat që kemi blerë gjatë vitit. Më poshtë, ju sugjerojmë disa nga kombinimet më perfekte të trendeve më të fundit, që duhet t’i shihni me patjetër.
Këto kombinime të veshjeve do t’i japin një frymë të re garderobës tuaj. Ndaj kostumi i pizhamave, fustani xhaketë e shumë të tjera, mund të jenë perfekte nëse i përshtasim me një palë aksesorë! Voila, brenda pak minutash kemi veshjen që kishim ëndërruar.
Kostumi pizhame
Je e ftuar në një festë që do të organizohet në shtëpi?! Mos e mendoni dy herë, kostumi i pizhamave me material saten është thjesht perfekt.
Fustani xhaketë
Të gjithë e adhuruan edhe më shumë fustanin xhaketë, pasi Meghan Markle e zgjodhi në një dalje publike në Londër. Kombinojeni me një palë geta të zeza si dhe vathë pakëz guximtarë.
Bluze me printe leopardi
Ok, printi i leopardit ka qënë kryefjalë e modës për një kohë shumë të gjatë ndaj nuk kishte kurrsesi si të mungonte në festat e fundvitit.
Xhaketa e thurur
Tonalitetet e ngjyrës së kuqe duhet t’i keni me patjetër në konsideratë. Ndaj xhaketa e thurur është një mundësi e mirë për ta kombinuar me xhinse dhe për të qënë edhe shumë chic, edhe rehat gjatë festës.
Fustan stil “Boheme”
Me një fustan të stilit “Boheme” nuk gabon asnjëherë! Zgjidh një fustan të tillë për festën e fundvitit me motive lulesh dhe të gjithë do të flasin për ty.
Burimi: Glamour
