Gjatë dërgimit të një e-maili ndodh që nuk jeni plotësisht të përqendruar dhe bëni gabime të vogla, por që kushtojnë shumë. Këto janë 3 gabimet më të shpeshta gjatë dërgimit të një e-maili:
1.Harroni të bashkëngjitni materiale
Gjithkujt mund t’i ketë ndodhur të paktën njëherë të dërgojë një e-mail pa bashkëngjitur diçka, ndërkohë që përmbajtja e e-mail-it flet rreth dokumentit që ju mendoni se keni bashkëngjitur.
2.Sqarime të tepërta
Është shumë e rëndësishme të arrini të shprehni atë që doni të thoni pa u zgjatur shumë. Shpesh herë kur ju shkruani shumë gjëra, njerëzit e humbasin interesin e tyre dhe nuk arrijnë të lexojnë përfundimin, pra atë çfarë keni dashur të thoni. Kjo ndodh edhe me e-mailet, kur zgjateni dhe jepni sqarime të tepërta, njerëzit nuk i kushtojnë shumë rëndësi leximit dhe mund ta humbasin thelbin e asaj që keni thënë.
3.Shkruani gabim emrin e personit
Të shkruash gabim emrin e personi të cilit po i dërgoni e-mail është e pajustifikueshme, nuk ju kushton asgjë më shumë sesa 2 sekonda për t’u siguruar edhe njëherë për emrin e personit. Është më mirë të vonoheni pak për të siguruar informacionin sesa të detyroheni të kërkoni falje me anë të një e-mail-i tjetër, sepse me siguri nuk do t’ju marrin në konsideratë pas këtij gabimi. Ky gabim kaq i vogël tregon shumë për aftësitë tuaja personale, ndaj sigurohuni që të mos bëni gabime të tilla gjatë dërgimit të një e-mail-i.
