Këngëtarja e famshme na preku të gjithëve: “Kam abortuar 3 herë! Po vuaj çdo ditë të jetës sime”

Këngëtarja e famshme amerikane, Halsey, ka treguar publikisht se çdo ditë lufton me një sëmundje mjaft të rrezikshme të quajtur endometriozë.

Kjo e fundit është një patologji gjinekologjike, ku endometriumi (shtresa e brendshme e mitrës, e cila zëvendësohet çdo muaj me ciklin menstrual) fillon të rritet jashtë mitrës.

24-vjeçarja përmes disa postimeve në Twitter ka rrëfyer se sëmundja në fjalë i ka shkaktuar asaj 3 aborte dhe 4 operacione.

Ajo është shprehur se njerëzit nuk arrijnë ta kuptojnë atë, kur thotë “jam sëmurë.”

Sipas këngëtares, kur ajo pohon “jam sëmurë” të tjerët shprehen: “O Zot i madh. Ti je gjithnjë sëmurë!”

E gjitha kjo është një fyerje e madhe për të. Halsey ka deklaruar se vuan çdo ditë të jetës së saj pasi nuk mund të bëhet dot nënë dhe ky fakt e trishton shumë.

Vërtet me deklaratat e saj na ka prekur të gjithëve.

Rikujtojmë se ylli i muzikës është diagnostikuar me endometriozë në vitin 2018-të dhe që prej asaj dite vazhdon të jetojë me sëmundjen e rëndë.