Muajt e fundit të këtij viti duhet të guxoni… me flokët! Jo me ngjyrat, por me modelin. Dhe për këtë merrni shembullin e aktores Blake Lively, flokët e gjata të së cilës i kemi dëshiruar të gjitha. Por tashmë ajo erdhi me pamje të re për premierën e filmit të saj “All I See Is You”,me flokë deri te shpatullat.
Valëzimet ikonike ishin shtrirë, kthyer nga brenda dhe stiluar me një model deri te shpatullat.
Ka shumë mundësi që parukieri Rod Ortega, po na mashtron të gjithëve edhe pse ka përdorur “#haircut” (prerje flokësh) në postimin e tij. Ky model, sipas editorëve të revistave amerikane, mund të jetë produkt i bigudive, karficave dhe llakut të flokëve.
Kushdo mund të ketë një model bob ose lob për një natë, veçanërisht nëse fijet e flokëve rreth fytyrës janë të shkurtra siç i ka Lively.
