Duke parë një pikturë, duke luajtur me të atin, apo duke shijuar një xhiro me prindërit e tij. Këto kanë qenë momentet që kryeministri Edi Rama na ka servirur nga koha që kalon me Zahon e vogël, por gjithmonë ka qendruar fanatik i ruajtje së privatësisë së tij, duke mos ja zbuluar fytyrën.
Duket se këtë herë Rama e ka thyer akullin dhe nuk i ka rezistuar tundimit për të ndarë në rrjetet sociale një video të të birit duke luajtur futboll, ku shihet qartë fytyra e vogëlushit. I veshur me fanellën e skuadrës së zemrës së babait të tij, Juventus Zaho duket shumë i kënaqur ndërkohë që i gëzohet lojës dhe ndjekies së topit.
Çdo ditë e më shumë bindemi se të dy djemtë e kryeministrit Rama do të ecin në hapat e babait të tij, të paktën përsa i përket pasioneve. Disa ditë më pare djali i madh, Gregu mbajti ekspozitën e tij të parë me piktura në kryeqytet. Ndërkohë që Zahos babi Edi mundohet t’ia kultivojë dashurinë për artin dhe sportin që tani në fëmijëri.
