Nëse ndiqni në “Instagram” këngëtaren Morena Taraku, atëherë duhet të jeni familjarizuar me videot e saj gazmore nga përditshmëria.
Këngëtarja e hitit “Femnat” gëzon linja perfekte fizike, e jo vetëm nga genet, por edhe puna e saj sistematike në palestër.
Dhe doni të dini se çfarë ndodh pas palestrës?! Na e zbuloi vetë Morena Taraku në një nga postimet e fundit. Ajo shfaqet e ulur në restorant duke ngrënë me të dyja duart pa pushim, pa marrë frymë.
“Ja si ndihem unë pas ushtrimeve të përditshme në palestër” – shkruan krahas videos Morena.
Por duket se Morena nuk është e vetmja që ushqehet me dy lugë në të njëjtën kohë, pasi në komente edhe Ledri zbuloi se ishte e preferuara e tij gjatë fëmijërisë. Madje gjyshja e Ledrit, ka një shpjegim shumë të lezetshëm për këtë veprim.
“Kur isha i vogël, gjyshja më thonte mos ha me dy lugë, sepse do të marrësh dy gra” – zbulon reperi Ledri Vula.
