14 orë, me 14 aktivitete për Ditën e Verës më 14 mars. Tirana pritet të festojë nesër në mënyra nga më të ndryshmet, ku do të përfshihen të gjitha grupmoshat nga orët e para të ditës dhe deri pas mesnate.
Frymën e festës e ndjejmë prej dy ditësh në disa prej rrugëve të kryeqytetit. Lulet dhe kafshët janë disa nga zbukurimet, që kanë mbuluar pemët dhe trotuaret.
Festa do të nisë në orën 09:00 me inaugurimin e Pazarit të Ri, i cili është transformuar tërësisht në një hapësirë multifunksionale, që do të shërbejë jo vetëm si markatë për qytetarët e Tiranës, por në të njëjtën kohë edhe si një zonë tërheqëse për të kaluar pasditen. Në këtë zonë, do të organizohet Këndi i Fëmijëve te Pikturës, koncerti i Ansamblit të Operës dhe Baletit, ndërsa pasdite do të ketë muzikë live.
Por më e rëndësishmja mbetet koncerti me Alban Skenderaj, Marsela Cibukaj, Klajdi Haruni dhe Brunon. Ndërsa për të pasionuarit pas muzikës me DJ, mund të gjeni koncerte në zonën e njohur si ish-Blloku.
Axhenda e aktiviteteve:
PAZARI I RI
Përurimi i Pazarit të Ri – Ora 09:00
Aktivitete për fëmijë dhe të rritur. Ora 10:00-13:00
-Këndi i Fëmijëve Piktor
-Numra Baleti klasik për fëmijë
-Këngëtar të muzikës së lehte moderne
-Instrumentistë
-Këngëtar të muzikës folk
Teatri i Operës dhe Baletit- Performancë Ansambli i Fëmijëve dhe të Rriturit- Ora 12:35-13:00
Koncert Live te Pazari i Ri: Ora 19:00-22:00
-Kuartet Harqesh
-Marsela Çibukaj
-Lindi Islami dhe Venera Lumani
-DJ
BULEVARDI DËSHMORËT E KOMBIT
2400 të rinj dhe qytetarë në një Flash Mob të dancit sportiv. Bulevardi nga Ministria e Brendshme deri në fillim të ish-Hotel Dajtit. Ora 10:00.
Koncert me këngëtarë komercial- Përballë ish Hotel Dajtit. Në mes te Bulevardit “Dëshmorët e Kombit” Ora 11:00
Ministria e Brendshme, Panairi i Policisë. Tek sheshi që përfshin nga Ministria e Brendshme deri në fund të Galerisë se Arteve (pjesa ku kufizohet me Hotel Dajtin).
Cirku Kombëtar- Lulishtja tek sheshi “Skënderbej”, ora 11:00-12:00
Këndi i lojërave për fëmijë
Aktivitete sportive me fëmijë. Midis Ministrisë së Ekonomisë dhe Parkut Rinia.
Panairi i shkollave profesionale.
BLLOK
1.Street Party 2017 Koncert
Skena 1-( Rr.Pjetër Bogdani) Ora 12:00- 00:00
Skena 2- ( Rr.Brigada VIII) Ora 12:00-00:00
Koncert me DJ- Ora 15:00-00:00
SHESHI NËNË TEREZA
1.Summer On Koncert (sheshi “Italia”) Ora 11:00- 00:00
2.Panairi i Biznesit
PIRAMIDA
1.VIZART, Bienalja e 2-të Ndërkombëtare e Akuarelit Ora 10:00
LIQENI ARTIFICIAL
1.Aktivitete me fëmijët e sporte.
Dj Muzike në Parkun e Liqenit Artificial ( Ad.Tek aneksi i digës)
Ora 09 :00
3.Në liqen për argëtim, (Varka, skaf, kanoe për demonstrim nga profesionistët) Ora 10:00
Në hapësirat e Parkut. ( Këndi i piktorëve, oaz i lojërave për fëmijë, aktivitete në fushat e sportit, kënd fotografish, libraria e liqenit të hapur, kënd i barbekysë, panairi i artizanëve) Ora 10:00 dhe në vazhdim.
Koncert Festiv – Skena e Amfiteatrit, Ora 11:00
Parada me veshje karnavalesh- (Nisja nga fundi i digës-finishi kryqëzimi i digës.) Ora 12:00
Teatri i Kukullave- Liqeni Artificial
Tirana Art Fest – ( Ad. Skena e amfiteatrit te Liqeni ) Ora 15:00
