“Polici” i emisionit të humorit, “Portokalli”, Florian Binaj ka pësuar një aksident automobilistik mëngjesin e sotëm.
Aksidenti ka ndodhur në rrugën “Hoxha Tahsim”, në kryeqytet, ku automjeti që drejtonte Binaj është goditur nga pas, nga një mjet tjetër, por fatmirësisht ka pasur vetëm dëmtime në pjesën e pasme të mjetit dhe asgjë serioze.
Në fotot e publikuara nga vendi i ngjarjes, Flori nuk duket i shqetësuar nga ajo që ka ndodhur, por thjesht ka dalë jashtë mjetit dhe shikon makinën në pjesën e pasme.
Pranë tij qëndron edhe drejtuesi i automjetit tip “Benz”, që dyshohet se ka përplasur mjetin e aktorit.
