Tom Cruise dhe Nicole Kidman mund të jenë ndarë prej vitesh, por dy fëmijët që kanë gjatë martesës që iu zgjati nga viti 1990 deri në 2001, i lidhin bashkë.
Ata janë Isabella Jane dhe Connor, të lindur përkatësisht më 22 dhjetor 1992 dhe 17 janar 1995. Të dy fëmijët e tyre u birësuan dhe daljet publike të dy yjeve të Hollivudit me ta janë të rralla.
Megjithatë, Cruise bëri një ndryshim dhe u shfaq me djalin e tij 28-vjeçar në një event për të promovuar filmin “Mission: Impossible – Dead Reckoning”. Sipas ET, motra e aktorit Lee Ann Mapother ishte me ta.
Connor Cruise tani jeton një jetë të qetë larg vëmendjes në Florida. Imazhi i tij ka ndryshuar shumë. Tani ai është 28 vjeç dhe siç duket nga Instagrami i tij i pëlqen peshkimi.
Sa i përket vendndodhjes së Isabella Jane, raportet thonë se ajo është zhvendosur në Londër.
