Nëse do të pyesni një femër se çfarë lloji kremi kundër qeskave poshtë syve preferon, me siguri që do të thoshte më të mirin dhe më të lirin.
Ndaj ne po ju sjellim sot një ide super për të zhdukur qeskat poshtë syve, që nuk do t’ju duhet të shpenzoni shumë.
Trajtimi më i mirë i qeskave poshtë syve, nuk bëhet me krem por me bustinat e çajit. E kemi fjalën për çajin e zi që ka përbërje kafeine dhe është më i mirë se çdo krem që mund të keni provuar ndonjëherë.
Si ta përdorni:
Vendosni dy bustina çaji në ujë të ngrohtë për disa minuta, pastaj lërini 5 deri në 15 minuta në frigorifer për t’u freskuar. Kur të jenë të ftohta, vendosini mbi sy për 10 minuta ose më shumë. Rezultati do të jetë i dukshëm pas njëfarë kohe dhe rrathët e zinj të syve do të jenë zhdukur krejtësisht. Është kaq e lehtë.
Studimet tregojnë se aplikimi i përditshëm i kafeinës zbut lëkurën, dhe kjo është arsyeja pse kafeina shpesh gjendet në kremrat e celulitit. Këta dy faktorë punojnë së bashku për të bërë që sytë tuaj të duken më pak të fryrë.
