Këtë fundjavë Brody Jenner dhe e dashura e tij, Kaitlyn Carter u martuan me një ceremoni intime në ishullin Nihi Sumba, në bregun e Indonezisë. Në listën e 50 të ftuarve të tyre, miq dhe familjare, u vu re mungesa e disa fytyrave të njohura familjare.
Veçanërisht u vu re mungesa e gjysmë-motrave të tij, Kendall dhe Kylie, si dhe babi i tij, Caitlyn, të cilët nuk ishin të pranishëm në ceremoninë e dasmës së tij. Gjithashtu nuk ishte një surprizë që asnjë nga Kardashianët nuk udhëtoi drejt vendit tropikal.
Ishte raportuar edhe më parë që asnjëra nga dy motrat e tij nuk i kishte kthyer përgjigje për pjesëmarrjen në dasmë, duke nënkuptuar kështu që asnjëra prej tyre nuk do të shkonte në ditën e tij të madhe.
“Dy motrat e mia të vogla, asnjëherë nuk kemi dëgjuar prej tyre. Ato kurrë nuk më janë përgjigjur, unë nuk mendoj se do të vijnë. Ne i dërguam një ftesë, por nuk kemi dëgjuar asnjëherë asnjë gjë”, tha Brody Jenner.
Ndërsa Kendall dhe Kylie e lanë Brody-n në errësirë në lidhje me planet e tyre, Caitlyn, ia kishte bërë të ditur të birit se nuk do të ishte në dasmën e tij për shkak të disa angazhimeve me punën.
“Caitlyn ka angazhime pune që janë ngritur për muaj dhe nuk mund të ndryshohet në fund”, ka thënë një burim.
Mirëpo kush ishte i pranishëm në dasmën e tyre? Nëna e Brody-t, Linda Thompson dhe vëllai Brandon ishin pranë çifti kur ata i thanë “Po” njëri-tjetrit.
Burimi: Instyle
