Italia nuk gjen dot paqe: Rritet numri i viktimave të Covid-19, bie numri i të infektuarve

Në dallim nga dita e djeshme, sot është rritur sërish numri i jetëve të humbura për shkak të Covid-19 në Itali.

Sipas bilancit të përditësuar ditën e sotme, shteti fqinj ka regjistruar 566 viktima brenda 24 orëve të fundit, ndërsa dje u regjistruan 431 jetë të humbura.

Lexo edhe :

Shtohen rastet e epilepsisë/ Shqipëria me shifrat më të larta në rajon

16:09 09/02/26

Luizi përballet me pyetjet për Efin dhe Kiarën: Big Brother-i im ka mbaruar

15:50 09/02/26

Shifrat e larta të viktimave vazhdojnë çdo ditë dhe duket se vendi nuk po gjen dot paqe.

Megjithatë, lajmi i mirë është se numri i rasteve të reja të infektuara është ulur brenda 24 orëve të fundit.

Sot janë regjistruar 3,153 persona të infektuar, ndërsa dje shifra ishte 4,092 persona.

Numri total i të prekurve ka shkuar 159,516, ndërsa 20,465 persona kanë ndërruar jetë.

Megjithatë, SHBA e ka tejkaluar Italinë me shifrat e Covid-19, duke u bërë vendi i parë me më shumë jetë të humbura dhe persona të prekur.

Brenda 24 orëve të fundit, SHBA ka regjistruar 745 jetë të humbura dhe 4,017 raste të reja të infektuara.