Para disa ditësh në emisionin e pasdites ‘Rudina” ishte e ftuar ish-banorja e “Big Brother” Genta Gjalpi. Të gjithë e kujtojmë se sa është komentuar pjesëmarrja e saj në “Big Brother” duke u konsideruar si vajza që theu tabutë duke mos pasur komplekse për të treguar jetën që ajo bënte në fshat.
Pas një kohe të gjatë tërheqje nga vëmendja mediatike Genta u shfaq në emisionin e Rudina Magjistarit ku foli për eksperiencën e saj në “Big Brother”, por edhe për jetën e re që ka nisur.
Genta si gjithmonë edhe kësaj radhe ka ditur të tërheqë vëmendjen e të gjithëve me pamjen e saj, por dhe me lajmet e reja rreth jetës së saj.
Në një foto të publikuar nga Rudina në “Instagram”-in e saj fansat kanë shpërthyer ndaj Gentës me komente negative. Madje prindërit janë shqetësuar shumë edhe për veshjen e Gentës duke u shprehur se nuk ishte e përshtatshme për orarin kur transmetohej emisioni.
Gjithë këto komente negative për Gentën e kanë befasuar edhe moderatoren, e cila ka shpërthyer ndaj ndjekëse duke iu thënë se emisioni i saj është një emision për të rritur dhe jo emision përrallash për fëmijë.
“Pupupu… çfarë llumi komentesh! Mbi 200 komente ofenduese, denigruese, hipokrito-moraliste për një vajzë që quhet Genta, e që e keni parë dhe mbështetur me votat tuaja, kur konkurronte në televizion. Tani jeton jetën e vet, pa asnjë lidhje me ju. Gjatë intervistës foli gjithçka korrekt dhe çiltër, si zakonisht ajo flet kur ftohet në panele televizive. U vesh me minifund e dekolte të bollshme në program? Po ashtu e mendoi dhe ashtu bëri. Jetojmë në një botë të lirë, more bashkëqytetarë! E për fat në mes të Evropës. Ju të rriturit që u shqetësuat, më vjen keq por s’kam asnjë detyrë të kuroj frustracionet tuaja. Ju prindërit, që shkruani se u shqetësuat për fëmijët tuaj? Ju lutem, herë tjetër bëni prindin duke i bërë shpjegimet përkatëse fëmijës tuaj mbi gjithçka sheh dhe dëgjon në ekran. Programi im është për të rritur, s’është emisioni i përrallave.
Unë në program ftoj Gentën e këdo tjetër, që nuk përcjell mesazhe dhune, raciste apo fashiste. Këto janë parimet e mia. Për të tjerat, jeni të lirë të zgjidhni sipas preferencave dhe shijeve tuaja. Edhe pse me thënë të drejtën, Gentën e kishit parë shumë, ose në termat e rinj: “ka bërë audiencë”. Por sa për t’ju kujtuar, sfidën për audiencë e kam pasur në çdo program timin, që në fillimet e mia, këtu e 20 e ca vite përpara, me apo pa matës audience. Edhe gjithmonë kam qenë në majë! Falënderoj të gjithë ata që e kuptojnë drejt këtë mesazh!”, shkruan Rudina në postimin e saj në “Instagram”.
