iconstyle.al > Bukuri > Beauty and Celebrity > Kanye West i bashkohet bashkëshortes së tij dhe sjell trendin e ri të flokëve për meshkujt (FOTO)

Kanye West i bashkohet bashkëshortes së tij dhe sjell trendin e ri të flokëve për meshkujt (FOTO)

Kanye West është dalluar gjithmonë për stilin e tij të veçantë në pamjen e tij të jashtme. Së fundmi i ka befasuar të gjithë me ngjyrën  e tij të flokëve, që me sa duket është frymëzuar nga bashkëshortja e tij Kim Kardashian.

Të gjithë e kemi parë se si eksperimenton Kim me ngjyrën e flokëve, por së fundmi është dashuruar me ngjyrën rozë. Edhe West ka ndjekur trendin e bashkëshortes duke i lyer flokët me të njëjtën ngjyrë.

Ngjyra e re e flokëve të tij ka çuditur gjithë rrjetet sociale, pasi një fans i tij postoi një foto të reperit me flokët rozë. Sipas Team Kanye Daily fotoja është bërë në Jackson, Wyoming, ku Kanye është duke pushuar.

Edhe Kanye sikurse Kim pëlqen të eksperimentojë vazhdimisht me ngjyrën e  flokëve. Kujtojmë se në 2016-n pas shtrimit në spital, kur doli ai u shfaq me flokët bionde dhe vetëm një muaj më pas i bëri shumëngjyrëshe. Në muajin shkurt iu rikthye ngjyrës bionde, ndërsa tani me sa duket është influencuar nga Kim dhe roza tashmë është ngjyra identifikuese e familjes së tyre.

 

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.