Djali i vetëm i Adelina Tahirit, Joni, feston ditën e lindjes. Si një ditë të rëndësishme në jetën e saj, Adelina ka ndarë disa imazhe të djalit në Instagram duke i dedikuar atij fjalët më të ëmbla.
Si sot katër vite më parë, Tahiri solli në jetë djalin me bashkëshortin e saj Serjoza Markov, të cilin e quajtën Jon. Ajo ka postuar një sërë momentesh me të birin, teksa ka shtuar se do të jetë pranë tij pavarësisht çdo gjëje.
“Jeta Mamit! Urime ditëlindjen dhe gjithë të mirat e kësaj bote të dëshirojmë. Falenderoj Zotin çdo ditë për ty që të kam dhe që më zbukurove jetën. Do jemi gjithmonë afër teje dhe në ngritjet e tua, në uljet e tua. Dhe kur duhet dikush të t’i fshi lotët prapë unë do të jem aty, dhe në gëzimet dhe sukseset e tua unë prapë do të jem aty. Gjithmonë nëna më krenare për ty! Tputh pa fund Mami ❤️
Urime Ditelindjen Jon. Te don Tate ❤️”, ka shkruar Adelina.
Kujtojmë se Adelina është gjykuar së shumti për martesën e saj. Ndjekësit i kanë shkruar se bashkëshorti i saj ishte shumë plak duke i kërkuar të mos e nxjerrë në foto. Adelina nuk u përmbajt në përgjigje duke i thënë se nuk është martuar që burri i saj t’i pëlqejë dikujt tjetër, por u martua sepse e donte.
“Nuk e kuptoj tipin e këtyre njerëzve! Realisht nuk meritojnë vëmendje. Po duhet ta them: Po të ishte martesa sikur zgjedhjet apo partitë, do ju kuptoja plotësisht! Nuk e martova për t’i pëlqyer dikujt burri im! U martova se e deshta! Shumë e thjesht. Pse juve duhet t’ju pëlqejë burri im, s’e kuptoj!”, është përgjigjur Adelina.
