Një kapitull i ri ka nisur në jetën e Princ Lekës dhe Blerta Celibashit, të cilët rreth një muaj më parë u bënë prindër të një djali, Aleksandrit. Së fundmi, çifti ka ndarë disa fotografi familjare, duke treguar momente nga javët e para të jetës me vogëlushin.
Në pamjet e publikuara, Princ Leka dhe Blerta shfaqen pranë Aleksandrit në një portret të ëmbël familjar, teksa po shijojnë këtë etapë të re si prindër.
Lidhja e Princ Lekës me Blerta Celibashin u bë publike rreth një vit më parë, ndërsa në mars çifti kurorëzoi dashurinë me një ceremoni private.
Për Princ Lekën, Aleksandri është fëmija i dytë. Ai është gjithashtu babai i Geraldinës, vajzës nga martesa e mëparshme me aktoren Elia Zaharia.
Martesa e Princ Lekës dhe Elia Zaharias u zgjidh zyrtarisht në vitin 2024, pas një periudhe të shoqëruar edhe me përplasje që morën vëmendje të madhe mediatike.
Tashmë, çifti po shijon javët e para me Aleksandrin, ndërsa fotografitë e publikuara sjellin një nga portretet e para familjare pas ardhjes në jetë të vogëlushit.
