Hueyda El Saied na befasoi të gjithëve pak muaj më parë kur dha deklaratën se i kishte dhënë fund martesës së saj 5-vjeçare me bashkëshortin, me të cilin ka edhe një djalë, Gabrielin. Ajo pranoi publikisht se ishte ndarë pasi partneri e kishte tradhëtuar.
Hueyda njihet për natyrën e saj të çiltër, por edhe pse pranoi publikisht ndarjen ajo preferoi të mos zbulonte më shumë detaje. Dje në një intervistë për emisionin “Thumb” për herë të parë bukuroshja foli se si e kishte zbuluar që bashkëshorti po e tradhëtonte.
“E kisha dhe unë gjurmën e gishtit tek telefoni i tij që mund ta hapja si password dhe e pash” – tha ajo gjatë intervistës.
Ndërkohë pyetjes së Fatmës nëse ishte një tradhëti që bënte fjalë për një lidhje paralele, Hueyda iu përgjigj: “Po, paralele, edhe pse nuk e di mirë sepse nuk iu futa shumë thellë situatës”.
Pavarësisht se e përjetoi keq këtë fakt dhe qau për dy javë rresht, Hueyda është e fortë dhe e mblodhi veten që të jetë një mami e lumtur dhe e fortë për dashurinë e saj më të madhe, Gabrielin.
