Dashi
Ndiheni disi të demoralizuar, sepse keni përshtypjen se po jepni më shumë nga ç’po merrni. Këtë ndjesi do ta keni edhe përgjatë javës së parë të tetorit. Përpiquni t’i shmangni luhatjet e humorit, apo tensionimet. Me gjithë ndryshimet në jetën tuaj, tashmë duhet të rigjeni ekuilibrin. Do të bënit gabim nëse do të debatonit me dikë. Mes datave 7 dhe 14 duhet të tregoheni tepër të matur, pasi mund të çoni në djall një bashkëpunim që keni pasur deri më tani në punë. Nevoja për t’u qartësuar mund t’ju bëj agresiv, gjë që duhet ta mbani nën kontroll. Nuk do të ketë më ndryshime të tjera sa i takon punës. Ato i keni hedhur pas krahëve. Tashmë bëni kujdes sa i takon çështjeve ligjore dhe ekonomike. Këto dy muajt e fundit mund të keni bërë marrëveshje për të cilat mund të jeni penduar më pas. Për të zgjidhur çështje delikate ligjore, apo administrative, duhet të këshilloheni edhe me njerëz të tjerë. Mos u mbështesni vetëm tek vetja juaj. Në mes të muajit do të ndiheni të gatshëm për të zgjidhur një problem tuajin. Bëni kujdes edhe sa i takon çështjeve financiare.
Gjatë muajit shtator, një person është bërë pengesë për ju. Edhe çiftet më të konsoliduara mund të jenë përballur me probleme të mëdha, me një sëmundje, apo me çështje të tjera familjare. Shmangini debatet në ditët më të ngarkuara, për shembull ato rreth datës 16. Nëse gjendeni në një lidhje prej shumë kohësh, apo bashkëjetoni, mund të ketë ardhur momenti të nisni një histori të re. Mund të jeni pikërisht ju shkaktari për të filluar pas kaq vitesh diçka të re. Datat 23, 24 dhe 25 janë më të përshtatshmet për të bërë për vete atë që pëlqeni. Rreth fundit të muajit keni më shumë mundësi për t’u dukur edhe më tërheqës për personin tjetër. Prej datës 18 do t’ju vijnë mundësi shumë të mira dhe do ta keni më të thjesht për të kontrolluar emocionet tuaja.
Shmangni stresin! Mund të ndiheni tepër të lodhur për shkak të shpenzimeve të shumta që keni bërë, apo prej tensionit të krijuar në punë. Mund të përjetoni edhe dhimbjet e zakonshme të kokës, që në fakt janë tipike për ju të lindurit nën shenjën e dashit. Fundjavat do të jenë disi më të tensionuara, por për fat do ta merrni veten duke filluar prej datës 18. E diela e datës 23 do të jetë fantastike për të rimarrë forcat, kështu që shfrytëzojeni në maksimum.
Demi
Edhe pse Jupiteri ka dalë nga shenja juaj, keni ende Mërkurin në krah. Keni ditur t’i luani mirë letrat tuaja dhe tashmë i keni marrë propozimet dhe përgjigjet që prisnit. Nëse keni ndërmend të filloni një bashkëpunim të ri me ortakët, apo miqtë, kini parasysh që yjësia është në favorin tuaj. Nuk do të ishte keq nëse të gjithë ju që i përkisni shenjës së demit, të bëheshit të pasur, apo jo? Këtë nuk mund t’jua premtoj, por një gjë është e sigurt! Do të keni mundësi të fitoni shumë më tepër tani se sa në dy vitet e fundit. Do të keni mundësinë të paguani fatura të prapambetura, dhe të hiqni kështu një barrë nga vetja. Ditët rreth datës 20 do të jenë shumë interesante. Do të merrni lajme të mira dhe do të ndiheni fitimtarë. Ditët më të mira do të jenë ato rreth fundit të muajit. Ato do të jenë ideale për personat që merren me politikë, apo çështje sociale.
Ky muaj do t’ju largoj paksa prej fushës së ndjenjave. Nëse keni shumë kohë që shoqëroheni me të njëjtin person, mund ta shkëpusni vëmendjen prej tij, për të pasur më shumë interes për punën tuaj, pazareve, apo çështjeve të pasurive të patundshme. Historitë që do të lindin në tetor nuk do të jenë të qëndrueshme. Bëni kujdes nga personat që janë të martuar, apo që nuk tregohen të sinqertë me ju. Përfitoni nga kjo periudhë për të harruar të shkuarën, por mos u ktheni tek ata që nuk ju meritojnë. Në të njëjtën kohë do të keni probleme edhe me familjarët tuaj, kështu që bëni kujdes t’i qartësoni gjërat. Do të kërkoni të drejtën tuaj dhe mund të nxeheni për këtë fakt. Duhet të tregoheni të duruar rreth datës 30. Kujdes me personat që i përkasin shenjës së Luanit, apo Ujorit.
Do të përmirësoheni fizikisht , por problemet që keni sa i takon dashurisë do t’ju krijojnë shqetësime. Gjatë javës së parë të muajit do të ndiheni më mirë. Kujdes rreth datës 23. Tregoni kujdes për shëndetin e dhëmbëve, pasi mund të keni pasur shqetësime me to që muajin e shkuar. Mos i lini pas dore kurat.
Binjakët
Vjeshta do të jetë një stinë më e qetë për të lindurit nën shenjën e Binjakëve. Tashmë është momenti i duhur për të kthyer kokës pas dhe për të reflektuar. Jupiteri është rikthyer në shenjën tuaj. Nëse po kërkoni qëndrueshmëri në punë duhet të këmbëngulni. Për këtë do t’ju ndihmojë Jupiteri, i cili do të ndikojnë tek ju edhe në muajt në vijim. Nuk do ta keni problem t’i riktheheni edhe një herë qetësisë. Do ta merrni veten pas shqetësimeve familjare dhe personale që keni kaluar. Falë edhe njohjeve të reja, do të dini të ndërtoni një të ardhme më të qetë dhe me harmoni. Duke filluar prej datës 7, deri më 24, do të keni në krah edhe Mërkurin , që do të zgjidhë situata që deri më tani ishin të bllokuara. Do të përmirësohet edhe situata tuaj ekonomike, apo çështje ligjore që i kishit lënë pezull prej kohësh. Do të përjetoni sërish një periudhë ndryshimesh , por edhe më fitimprurëse krahasuar me të shkuarën.
Tetori do t’ju ndihmojë të harroni ndonjë histori jo fort të bukur që keni përjetuar në gusht. Keni mbërritur në një pikë, ku është e rëndësishme të kuptoni se ku po ju çon lidhja juaj e dashurisë. Nëse sapo jeni ndarë, do të takoni njerëz të rinj. Ndërkohë, çiftet që kanë kaluar një krizë, por që duhen ende, duhet të përpiqen të rimëkëmbin lidhjen e tyre deri më datë 18. Duhet të tregoheni edhe më të arsyeshëm nëse po mendoni të riktheheni tek ish i dashuri juaj. Me Saturnin në shenjë, do të keni vëmendjen e njerëzve më të rritur që do t’ju kundërshtojnë, nëse nuk do të jenë dakord më zgjedhjet që keni bërë së fundmi. Nëse nuk keni shumë që jeni bërë me fëmijë, do të ndiheni të lodhur dhe të tensionuar. Përpiquni t’i përmirësoni marrëdhëniet tuaj me ishin. Rreth datës 20 do të merrni lajme të mira. Duhet të tregoheni të duruar rreth datës 26 dhe të tregoheni shumë të vëmendshëm nëse po përjetoni një krizë në çift.
Do të përmirësoheni fizikisht. Edhe pse të lindurit nën shenjën e Binjakëve kanë dëshirë të angazhohen me gjëra të ndryshme nga mëngjesi në darkë, e përsëris që viti 2016 nuk ju lejon të bëni ç’të doni. Do të vini re që nuk do të zgjoheni sërish me energjinë dhe vitalitetin e një viti më parë, sidomos nëse i keni kaluar të 50-at. Datat 30 dhe 31 do të jenë në favorin tuaj.
Gaforrja
Ndoshta, kohët e fundit jeni bërë shumë kërkues dhe po ankoheni për çdo gjë. Nuk do të jetë e thjeshtë të shkoni mirë dhe të merreni vesh me të tjerët. Keni lënë pezull disa çështje ekonomike, pasi dikush nuk ju ka bërë një pagesë prej kohësh. Gjithsesi, mos prisni të zgjidhni gjë para datës 25. Kini kujdes gjatë mesit të muajit për të mos e ndërlikuar edhe më shumë situatën prej datës 14, deri më 21 do të përjetoni disa shqetësime. Nëse po prisni një përgjigje, apo po kërkoni ta zgjeroni aktivitetin tuaj, së pari duhet të bëni mirë llogaritë. Duhet të jeni shumë të sigurt në hapat që do të ndërmerrni, në të kundërt mund të humbisni punën, apo paratë tuaja. Do të rriten shpenzimet dhe mund të keni fërkime me ortakët. Do të merrni lajme të mira gjatë javës së fundit të muajit. Mund të debatoni me ortakët, apo shefin tuaj dhe do të jetë e vështirë të ruani qetësinë.
Tetori do të jetë një muaj më i mirë sa i takon fushës së ndjenjave, në krahasim me shtatorin. Do të hezitoni për të njohur njerëz të rinj, ndoshta sepse po tregoheni tepër të ashpër në gjykim. Gjithçka do të varet edhe nga natyra e lidhjes suaj, por mund të kaloni disa momente krize që do të ndikojnë thellë tek ju. Disa çifte ndihen thjesht të stresuar. Datat 2 dhe 3 të këtij muaji do të jenë idealet për të përmirësuar marrëdhënien tuaj. Do të rimerrni forcat duke filluar prej datës 22, gjë që do t’ju vijë në ndihmë edhe juve që gjendeni vetëm. Do të përjetoni disa tensione në jetën tuaj private dhe familjare. Ndarja e pasurisë mund të jetë një ndër arsyet e zënkave tuaja. E rëndësishme është të ndërmerrni hapa të sigurt dhe gjithçka do të shkojë më së miri. Nëse gjendeni vetëm, ditët tuaja me fat do të jenë prej datës 23, deri më 31. Nëse jeni ndarë, duhet të jeni më optimist sa i takon asaj që ju pret në të ardhmen.
Pas stresit që keni përjetuar kohët e fundit, ka ardhur momenti që ta merrni veten. Fundi i këtij muaji do të jetë shumë interesant. Do t’ju ngarkojë me energji dhe do të favorizojë takimet e reja. Kurat që po ndiqni tani, do të rezultojnë më efikase se ato të mëparshmet. Do të ndjeni shqetësime të shkaktuara prej stresit. Bëni kujdes me stomakun, pasi në këto raste është pika juaj e dobët.
Luani
Tashmë e keni në dorë fatin tuaj. Do të ndiheni fitimtarë dhe më të motivuar se kurrë. Ju të shenjës se Luanit nuk kënaqeni me pak. Kështu që, edhe pse gjendeni nën një yjësi të shkëlqyer, përsëri kërkoni më tepër. Tashmë asgjë nuk mund t’ju ndal. Por, bëni kujdes që të ndërmerrni hapa të arsyeshëm. Mos lini asnjë mundësi t’ju shpëtojë. Nëse ushtroni një aktivitet privat do të merrni lajme shumë të mira. Nëse punoni me ortakë, do të mund të mbyllni marrëveshje shumë të të volitshme. Edhe nëse keni filluar të ndiqni një strategji të re, tashmë do të vilni frytet e punës suaj. Të ardhurat tuaja do të rriten. Nëse jeni nëpunës diku, tashmë do të ndiheni më të qetë dhe do të mund të filloni edhe nga projektet e reja. Studentët që janë me provime do të marrin rezultate shumë të mira nëse do të angazhohen siç duhet.
Jeni duke u marrë me shumë gjëra dhe e keni lënë pas dore dashurinë. Prej datës 2, deri më datë 5, do të përjetoni tension dhe mund të ngrini edhe zërin. Por, mos u shqetësoni, sepse nuk është diçka me rëndësi. Nëse lidhja juaj është në krizë, mos prisni që situata të zgjidhet duke u mbështetur vetëm tek yjësia. Nëse keni mosmarrëveshje me partnerin, apo me ndonjë ish, tashmë është momenti që t’i zgjidhni problemet njëherë e mirë. Mund të ndesheni edhe me probleme familjare, sa i takon ndarjes së pasurisë. Nëse ju akuzojnë për dika, apo keni probleme ligjore, jeni përpjekur t’i jepni zgjidhje situatës. Në të kundërt, mund të mbështeteni tek yjësia e favorshme e tetorit. Nëse po kërkoni për një histori të re dashurie, prisni datën 20 tetor e në vijim. Nëse jeni në një lidhje jo fort serioze, apo jeni tunduar për ta tradhtuar partnerin, bëni kujdes, sidomos pas datës 11, kur duhet të jepni llogari për shumë gjëra.
Gjatë dy javëve të para të muajit nuk do të jeni në formën tuaj më të mirë fizike. Do ta merrni veten pas datës 20. Kujdes me nervat të dielën, më datë 16. Edhe pse fjala e fundit i mbetet mjekut, ne ju këshillojmë të pushoni, pasi nuk ju bën asnjëherë keq.
Virgjëresha
Yjësia e këtij muaji do të reagojë me pozitivisht për ju që doni të shisni, të blini, apo keni një aktivitet ku të ardhurat janë në varësi të rrethanave. Bëni kujdes sa i takon çështjeve lidhur më profesionin tuaj, pasi këtu mund të marrin udhë projektet që do të vijojnë në vitin e ardhshëm. Duhet të përmendim këtu që 2017-a do të jetë një vit shumë herë më interesant se sa 2016-a. Do të keni edhe evente familjare këtë muaj. Mund të keni bërë shumë shpenzime për shtëpinë, apo për një transferim të mundshëm, që prej vitit që shkoi. Nëse keni debatuar me shefin, apo e keni të pamundur të qëndroni më gjatë në punën aktuale, për momentin duhet të rezistoni. Gjatë pjesës së dytë të tetorit do të keni mundësi të shpërfaqeni më tepër. Ambienti që ju rrethon është në zhvillim e sipër. Në fund të muajit do të merrni lajme të mira. Me Jupiterin në shenjë, sipërmarrësit do ta kenë më të thjeshtë të nënshkruajnë kontrata dhe të bëjnë marrëveshje.
Fillimi i muajit do të jetë shumë i rëndësishëm, sa i takon dashurisë, sidomos dy fundjavat e para të tetorit do të jenë për t’u shënuar në kalendar. Përqendrohuni tek nevojat qe keni dhe bëni mirë të flisni menjëherë nëse diçka nuk shkon. Rreth datave 13 dhe 14 mund të ndesheni me debate familjare. Ndërkohë, më 25 tetor bëni mirë t’i vini fre gojëve të liga. Për këtë mund të flisni edhe me një person të familjes, dhe kështu do të mbyllni një problem që ju shqetëson prej kohësh. Mund të mos ndiheni shumë rehat rreth atyre ditëve, por kjo është normale kur bëhet fjalë për t’u shkëputur nga njerëzit që nuk ju sjellin asnjë dobi. Dashuritë që do të lindin në pjesën e dytë të muajit do të jenë krejt të rastësishme. Të lindurit nën shenjën e Virgjëreshës nuk i kanë qejf historitë kalimtare, sepse kanë nevojë për siguri. Bëni kujdes që nga data 26, deri më 31, pasi mund të vini në rrezik marrëdhënien tuaj.
Falë Marsit, yjësia e këtij muaji do të jetë tepër e favorshme dhe do t’ju ndihmojë të zgjidhni problemet tuaja. Prej datës 23 do të ndiheni më energjik. Nuk do të gaboni nëse do të nisni një kurë rreth datës 25. Të lindurit nën shenjën e Virgjëreshës kanë gjithmonë probleme që lidhen me fundin e zorrëve dhe me stomakun. Për këto probleme të brendshme bëni mirë që flisni me një mjek të specializuar.
Peshorja
Tetori do të jetë një muaj tepër i ekuilibruar me Jupiterin dhe Diellin në shenjë. Vetëm Marsi mund t’ua prish disi ekuilibrat, sidomos rreth datës 8. Kjo mund të shkaktojë tension , sidomos nëse punoni edhe përgjatë fundjavave. Jo gjithçka varet nga ju. Kështu, në këtë periudhe do të jeni në gjendje të shquani ata miq, apo persona që ju vijnë në ndihmë kur gjendeni në vështirësi. Me këtë rast mund të çoni në djall edhe ata, që nuk e vënë ujin në zjarr për ju. Jupiteri do të jetë në shenjën tuaj dhe do t’ju ndriçojë mendjen që të bëni zgjedhjet e duhura. Mesi i muajit do të jetë shumë interesant. Dielli, Hëna, Jupiteri dhe Saturni do të jenë të gjithë në favorin tuaj. Mos hezitoni nëse do t’ju bëhen kërkesa për punë, pasi mund të keni shumë fat. Ka nga ata që do të ngihen në detyrë, por ka dhe nga ata që do të mund të heqin përgjegjësi të panevojshme nga vetja. Bëni kujdes t’i shmangeni provokimeve rreth datave 21 dhe 22. Mund të transferoheni me shtëpi dhe kjo do të sjellë shpenzime të paparashikuara.
Yjësia do të jetë e mrekullueshme për ata që po përjetojnë një histori dashurie. Mund të keni bërë hapa shumë të rëndësishëm këto kohë, si për shembull të jeni martuar, apo të keni nisur të bashkëjetoni me partnerin. Kështu, keni nisur një faqe të re në jetën tuaj. Kjo do të jetë një periudhe e përshtatshme për të bërë fëmijë. Mos hezitoni të takoni persona që ju duken interesant dhe që ju pëlqejnë. Fat i mirë për beqarët, që më në fund do t’i rilindë dëshira për të pasur dikë pranë. Do të bëni takime shumë interesante, dhe jo vetëm të rinjtë, por edhe personat më të rritur. Ka ardhur momenti që të shkëputeni nga e shkuara. Jeni duke kërkuar për më shumë siguri dhe kjo vjen nga ndërgjegjësimi që keni tashmë për veten tuaj. Tashmë jeni gati të bëni hapa më të sigurt, pasi ndiheni më të rritur. Rreth datës 19 do të flisni seriozisht sa i takon temës së dashurisë.
Kurat që keni marrë gjatë shtatorit kanë qenë efikase dhe tashmë shëndeti shkon më mirë. Mund t’ju sjellë ndonjë shqetësim Marsi, i cili nuk është në favorin tuaj këtë muaj. Përpiquni të përqendroheni përgjatë dy fundjavave të para të muajit, pasi kohët e fundit keni qenë gjithë kohës të hutuar. Një person i shenjës së Akrepit do t’ju bëjë të ndiheni më mirë.
Akrepi
Jupiteri ka qenë ne favorin tuaj përgjatë disa javëve dhe tashmë është koha që të përfitoni nga kjo situatë. Vitin që vjen, ky planet do të jetë akoma edhe më i rëndësishëm për ju. Tashmë duhet të vendosni disa prioritete. Shumë prej projekteve që ngjanin të largëta, tashmë mund të realizohen. Nëse keni marrë sërish në dorë frerët e aktivitetit tuaj privat, tashmë mund të mbyllni marrëveshje që prej datës 7, deri më 24. Ky do të jetë një muaj i rëndësishëm edhe sa i takon takimeve të punës, apo bashkëpunimeve. Të lindurit nën shenjën e Akrepit arrijnë të dalin fitimtarë falë aftësisë psikologjike për t’i kuptuar të tjerët. Taktikat tuaja komerciale do të jenë pika juaj e fortë. Rreth datave 13, 21 dhe 24 do të bënit mirë t’i shmangnit tensionet në punë. Ky horoskop do të jetë pozitiv edhe për ju që ushtroni një aktivitet privat. Nëse jeni nëpunës do të arrini të fitoni më shumë të ardhura. Prej datës 21, deri më 31 mund të merrni lajme për një çështje të lënë pezull.
2016 mund të jetë viti në të cilin do të martoheni! Nëse nuk keni arritur ta ndërmerrni ende këtë hap me personin tuaj të zemrës, duhet ta shfrytëzoni këtë vjeshtë të veçantë. Ju që nuk e keni gjetur akoma gjysmën tuaj tjetër, ju këshillojmë që të jeni më të sigurt sa i takon ndjenjave tuaja. Çifteve që kanë pasur probleme të vogla kohët e fundit, do t’ju vijë në ndihmë Venusi, i cili do të jetë së shpejti në favorin tuaj. Duhet të tregoni kujdes në datat 2, 11 dhe 17 tetor. Bëni mirë të prisni fundin e muajit, para se të shkëputeni nga një lidhje që duket se nuk po funksionon më. Është një periudhë e përshtatshme edhe për takime të reja, por tregohuni gjithmonë të rezervuar me personin që keni përballë.
Shëndeti juaj po përmirësohet, por gjithsesi do të përjetoni një stres emocional. Kini kujdes rreth datës 17, pasi mund të përjetoni disa vështirësi. Në fund të muajit mund të filloni dhe kurat e përshtatshme për problemet shëndetësore që ju shqetësonin prej kohësh.
Shigjetari
Ja ku i erdhi rralla një prej muajve më interesantë të vitit për të lindurit nën shenjën e Shigjetarit. Muajt e fundit kanë qenë paksa më bujarë me ju, krahasuar me fillimin e vitit, por kjo varet edhe prej aktivitetit që ushtroni. Nëse jeni të punësuar, ka ardhur momenti të transferoheni diku tjetër, apo të fitoni më shumë të ardhura. Mund të ngriheni në detyrë. Do të mbyllni disa çështje të vjetra me bindjen se surprizat nuk do të mungojnë në të ardhmen tuaj. Kjo yjësi është e shkëlqyer për personat që studiojnë, apo për ju që dëshironi të udhëtoni. Akoma më të favorizuar do të jenë arkitektët, ju që jeni pjesë e botës së spektaklit, apo diplomatët. Ju që i përkisni shenjës së Shigjetarit e dashuroni të bukurën dhe mund të jetë rruga e duhur nëse vendosni të studioni për artet. Do të arrini në mbyllni një çështje të lënë pezull prej më shumë se një viti dhe ky është momenti i duhur për të bërë negociata të zgjuara. Diçka ka ndryshuar edhe në familjen tuaj. Tani po arrini të arsyetoni më mirë. Nëse keni mundur t’i lini pas krahëve njerëzit që ju bënin të ndiheshit keq, tashmë do të shikoni avantazhet.
Ky muaj do t’ju bëjë t’ju rrahë fort zemra. Do të mundni të takoni njerëz që do të bëhen të rëndësishëm në jetën tuaj. Më në fund do të lini pas krahëve periudha që ju kanë lënë të pakënaqur. Mund të keni nisur një histori përgjatë muajit shtator, edhe ju që hezitoni të takoni njerëz të rinj. Ditët më të mira do të jenë ato të pjesës së dytë të muajit. Do të merrni një telefonatë të papritur, apo një mesazh, apo edhe një shikim provokues… Që prej datës 18, gjithçka mund të ndodhë. I këshilloj të gjithë beqarët të bien në sy në ambiente ku mund të gjejnë dikë të përshtatshëm. Në këtë mënyrë do t’i jepni më shumë vlerë këtij horoskopi dhe këshillave të mia. Yjësia do të jetë e shkëlqyer edhe për çiftet që duan të ndërmarrin hapa të mëdha. Mund të bëheni edhe ortakë me partnerin tuaj. Për këto arsye duhet të kapni momentin dhe të jeni sa më shumë të qartë në ato çka kërkoni.
Bricjapi
Është shumë e rëndësishme që të shmangni ndërlikimet në punë në këtë periudhë. Nëse keni një punë të qëndrueshme, përpiquni t’i evitoni debatet me shefin tuaj, apo kolegët. Në fakt, jeni duke përjetuar një situatë të tensionuar që do të arrijë kulmin më datë 14. Gjatë këtij muaji mund të shkëputeni nga një bashkëpunim, i cili nuk rezulton më frytdhënës. Gjithashtu do të çoni në djall një person me të cilin nuk po merreni më vesh. Nuk është momenti i duhur për të ndërmarrë gjëra, për të cilat nuk jeni të sigurt. Duhet të dini të ruani, atë ç’ka keni ndërtuar prej një viti tashmë. Do të prishni marrëdhëniet me ortakët, nëse ushtroni një aktivitet privat. Në rastin më të mirë mund të nisni nga bisedimet për të filluar një tjetër projekt. Është pikërisht rasti, ku gjithçka mund të shkatërrohet shumë lehtë, pasi do ta keni të vështirë të ruani aleancat me bashkëpunëtorët. Mund edhe të shkëputeni më vete, për të nisur diçka individuale. Pjesa e dytë e muajit do të jetë disi më pak e vrullshme.
Gjendja e tensionuar në punë do të ndikojë edhe në dashuri. Tetori do të jetë një muaj i rëndësishëm sa i takon vendimeve të rëndësishme. Nëse nuk e keni gjetur ende një ekuilibër në marrëdhënien tuaj, ky është momenti i duhur për të gjetur një mënyrë tjetër që të qëndroni bashkë. Bëni kujdes me tradhtitë këtë muaj, pasi mund të dilni zbuluar. Ju që sapo jeni martuar, apo jeni bërë me fëmijë, ky është momenti që të ndesheni me shumë përgjegjësi. Edhe pse do të debatoni me partnerin, do të arrini të gjeni gjuhën e përbashkët. Historitë që do të lindin në tetor nuk do të jenë aq të qëndrueshme, kështu që mos i zini besë të gjithëve.
Forma juaj fizike nuk është në ditët më të mira, kështu që do të bënit mirë nëse do të pushonit. Marsi në shenjën tuaj do t’ju bëjë më nervoz dhe të paqëndrueshëm se më parë. Kohët e fundit po merreni me gjëra thelbësore, siç janë puna dhe paratë. Do të keni mosmarrëveshje edhe me prindërit, nëse ndesheni me probleme trashëgimie.
Ujori
Yjësia e këtij muaji do të jetë e shkëlqyer për ndërmarrjet profesionale. Edhe nëse jeni ndeshur me vështirësi, prisni fundin e vitit, pasi mund t’ju ofrojë zgjidhje të rëndësishme. Gjëja më e mirë që mund të bëni këto ditë, është të hidheni në kundërsulm. Është momenti për të vepruar tani, nëse doni të hapni një aktivitet tuajin privat, apo të fitoni para. Nëse jeni treguar tepër krenar dhe keni i shkëputur marrëdhëniet nga një kompani, tashmë është momenti që të bëni paqe. Është momenti për të marrë përgjigje të rëndësishme dhe konkrete sa i takon punës suaj. Kini parasysh që çdo gjë zgjidhet nëse bëni durim. Mund t’i jepni fund edhe një çështjeje të vjetër ligjore. Prej datës 7, deri më 24 tetor, gjithçka është e pritshme. Mund të mbyllni disa llogari të vjetra dhe të vendosni nëse është më mirë të punoni më vete. Është një moment i mirë edhe për të rinjtë që po kërkojnë punë.
Nën këtë yjësi të shkëlqyer, do të përjetoni fuqishëm edhe historinë tuaj të dashurisë. Bëni mirë të shmangni ndërlikim et e panevojshme në ditët më të vështira të muajit, prej datës 3, deri më 5 tetor. Nëse keni nisur një histori paralele sentimentale, do të pendoheni dhe do të dëshironit të kthenit kohën pas. Yjësia është në favorin tuaj nëse doni të bëheni me fëmijë. Prej datës 18 do të vijë një periudhë edhe më interesante. Nëse lidhja juaj është bërë monotone, do të jetë e thjeshtë ta gjallëroni nën këtë yjësi premtuese. Një ish i dashur do t’ju kërkojë një mundësi tjetër. E keni ju në dorë, nëse do t’i jepni një tjetër shans, ose jo. Priten të vijnë ditë pozitive!
Tetori do t’ju ofroj zgjidhje për shumë gjëra. Mesi i muajit do të jetë më i mirë. Më në fund, ju të lindurit nën shenjën e Ujorit, do të ri zgjoheni. Është një muaj i përshtatshëm edhe për t’u kujdesur për shëndetin. Ditët 11, 19 dhe 20 do të jenë më të mirat. Do ta merrni veten plotësisht.
Peshqit
Tani që Jupiteri nuk është më kundër jush, fati i mirë do t’ju ndjekë këmbadoras. Pika juaj më e fortë këtë muaj do të jetë kreativiteti. Konkretizoni menjëherë idetë tuaja, pasi ky është momenti i duhur. Që prej datës 22, Dielli do të jetë në favorin tuaj dhe do t’ju vijë në ndihmë për të zhvilluar projektet që keni nisur. Mbeten të pazgjidhura problemet e mbartura që keni pasur me paratë. Situata ka qenë e tensionuar edhe në familje. Duhet të kontribuoni më tepër ekonomikisht në familje, për të zgjidhur një problem që mbase nuk e keni shkaktuar ju, por që dashje pa dashje jeni përfshirë në të. Ka edhe gjëra pozitive këtë muaj. Do të merrni telefonata të rëndësishme. Nëse jeni të punësuar diku, keni fituar qëndrueshmëri në pozicionin tuaj. Rreth datës 26 do të keni takime të rëndësishme pune.
Situata është e mirë për çiftet e dashuruara. Nëse i keni rezistuar krizave, do të rigjeni harmoninë në çift. Muajt e fundit mund të keni përjetuar shumë tensione për shkak të problemeve ekonomike, të cilat kanë ndikuar edhe në marrëdhënien tuaj. Mund të keni bërë fjalë me partnerin, pasi mendoni se është i papërgjegjshëm dhe ju takon juve ta merrni situatën në dorë. Kohët e fundit keni bërë gjithçka vetë dhe e ndjeni veten të lodhur. Me Venusin në favorin tuaj, datat më interesante do të jenë 2 dhe 13 tetori. Në vijim të muajve të kaluar, polemikat tuaja janë të justifikuara. Do të përjetoni emocione të forta. Dëshirat që keni më në fund mund të realizohen. Pas një ndarjeje, është momenti për të jetuar një tjetër dashuri. Pas disa muajsh pasigurie, tashmë mund të bëni paqe. Nëse keni jetuar paralelisht dy histori dashurie, ka ardhur momenti të bëni zgjedhjen e duhur, për të mos qenë më të dyzuar.
Do të rikuperoni fizikisht. Edhe pse Jupiteri nuk do të jetë në favorin tuaj, do të keni Diellin në krah. Nëse ndiheni të qetë shpirtërisht, kjo do të reflektohet edhe në fizikun tuaj. Duke qenë një person tepër i ndjeshëm, bëni mirë të gjeni ushqime shpirtërore sa më shpejt të mundeni. Jeni mjeshtër për të këshilluar të tjerët, po kur bëhet fjalë për veten tuaj, nuk jeni gjithmonë objektiv.
