Dashi
Situata juaj do të përmirësohet ndjeshëm dhe ju do të ndiheni sërish protagonist në këtë periudhë. Kjo si shkas i propozimeve që ju janë bërë, apo i provimeve që do të mund t’i merrni. Këto mundësi nuk do t’ju vijnë përsëri, kështu që rriheni hekurin sa është i nxehtë. Gjatë këtij muaji do të vendosni edhe nëse do të vazhdoni me punën që keni, apo do të nisni me projekte të reja. Tre muajt që shkuan ishin tepër të rëndësishëm për ju, thuajse revolucionar. Vetë jeta juaj ka marrë një kthesë që prej gushtit të vitit 2014. Që prej asaj kohe, mundësitë nuk ju kanë munguar. Lum ata që kanë ditur t’i shfrytëzojnë. Datat 8,9 dhe 23 do të jenë të rëndësishme për të marrë vendime pune. E hëna e datës 27 do të jetë e tensionuar. Duhet të bëni kujdes para se të thoni “jo!” këtë muaj, pasi nuk do t’ju vijnë më mundësi të tilla. Do të jetë një muaj special sa i takon dashurisë. Dy javët e para do të jenë mjaft intensive. Lidhjet e konsoliduara do të funksionojnë më së miri. Por edhe ju që nuk doni të angazhoheni me lidhje serioze gjatë kësaj periudhe, do të ndiheni të kënaqur. Do të keni një tendencë të përfshiheni emocionalisht me më shumë se një njeri dhe kjo do të përbëjë problem. Sidomos ju, që e konsideroni lidhjen tuaj të mërzitshme tashmë, do ta lini veten të përjetoni histori më transgresive. Bëni kujdes në datat 20, 21 dhe 28 , pasi do të ketë momente shqetësimi, sidomos për ju që keni lidhje jo fort të konsoliduara. Nëse nuk keni asgjë për të fshehur, nuk keni pse të shqetësoheni. Në të kundërt, disa të vërteta edhe mund të dalin në shesh. Bëni kujdes edhe me familjarët për probleme që i takojnë parave. 10 ditët e para të muajit do të jenë më të vështirat. Nëse do të ndesheni me probleme, do të bëni mirë të këshilloheni me një specialist. Kjo do t’ju bëjë mirë për të qetësuar shpirtin tuaj kaq intensiv dhe përherë aventurier.
Demi
Përgjatë këtij muaji do të gjendeni në vështirësi për shkak të planetit Mars, i cili do t’ju bëjë të ndiheni nervoz me ortakët tuaj, apo mund t’ju vonojë marrëveshjet. Por, nuk keni pse të shqetësoheni. Në fund të fundit, viti 2016 do të jetë i suksesshëm. Duhet të dini të përfitoni nga yjësia dhe të mos kini frikë të bëni ndryshime në jetën tuaj. Mos prisni që t’ju bien gjërat prej qiellit, por bëni lëvizjet e duhura në momentin e duhur. Studentët do të bëjnë mirë të angazhohen në këtë periudhë , pasi do të jenë të favorizuar. Disa prej jush do të marrin përgjigjet që kishin kohe që prisnin. Bëni një kontroll sa i takon financave tuaja, pasi është e domosdoshme. Shumë prej jush do të vendosin të jetojnë më vete. Ndërkohë, ju që zotëroni një aktivitet privat do të korrni sukses në këtë periudhë, edhe në qytete të tjera. Do të udhëtoni, apo do të transferoheni që prej 20 qershorit. Muaji do të jetë i shkëlqyer për studentët që po përgatiten për provime. Ata më të përgatiturit do të kapërcejnë menjëherë nga shkolla, në punë. Le të shpresojnë që të jenë të dobishëm! Pika juaj e fortë për këtë muaj do të jetë fusha e ndjenjave. Ju takon juve të mësoni të shfrytëzoni sa më mirë mundësitë që ju jepen. Mendojeni edhe një herë situatën nëse keni vendosur të qëndroni vetëm. Do të mund të mbyllni debate që i keni lënë përgjysmë . Disa prej jush do të fillojnë të mendojnë për projekte të mëdha, si për shembull, të bëni fëmijë, apo të ndërroni shtëpi. Edhe ju që prej kohësh gjendeshit vetëm, tashmë do ta gjeni personin tuaj të zemrës. Por, bëni kujdes që të mos zgjidhni persona të ftohtë apo të vështirë. Duhet të keni besim te kjo yjësi e qershorit, sidomos pas datës 17. Një ditë mjaft interesante do të jetë edhe e marta e datës 21. Kjo do të jetë një periudhë e përshtatshme edhe për ju që doni të bëheni me fëmijë. Do të ndiheni mirë fizikisht, edhe pse Marsi do të jetë në një pozicion jo të favorshëm dhe mund t’ju shkaktojë herë pas here probleme. Bëni kujdes të mos bëheni melankolik për shkak të dashurisë. Mendoni për strategji të reja lidhur me projekte që kane të bëjnë me mirëqenien fizike.
Binjakët
Sa i takon punës nuk do të ketë ndonjë të re. Thuajse të gjithë të lindurit në shenjën e Binjakëve, që prej vitit që shkoi janë në kërkim të një ekuilibri të ri. Sa i takon bashkëpunimeve afatgjata nuk do të ketë lëkundje. Tashmë mund të zgjidhni problemet që keni hasur gjatë muajve të mëparshëm. Nuk ka asnjë vështirësi të pazgjidhshme. Disa prej jush do të duan të ndryshojnë pozicion, apo rol në punën që bëjnë. Ka mundësi që edhe të jenë ftuar prej të tjerëve që ta bëjnë këtë ndryshim. Edhe mund t’ia dilni, pasi ju të lindurit në shenjën e Binjakëve, jeni dinak më tepër se sa të zgjuar. Ka edhe nga ata që do të ndihen të “shkarkuar” prej përgjegjësive familjare. Pozicioni jo i favorshëm i Jupiterit, ju kujton që ky është një moment i vështirë sa i takon financave. Duhet të bëni kujdes edhe me ofertat që do t’ju bëhen për punë. Shumë prej jush kanë mbyllur aktivitet private përgjatë këtyre muajve të fundit. Mund t’ju jenë shkurtuar burimet fikse të parave. Duhet të tregoheni më të zgjuar në projektet e reja që do të ndërmerrni. Fusha e ndjenjave duket më e qetë. Venusi do të vendoset mirë në shenjën tuaj dhe në bashkëveprim me Diellin, do të përbëjë momentin më të mirë sa i takon dashurisë. Përgjatë këtij muaji do të mund të zgjidhni probleme të tilla, si për shembull mungesa e besimit nga ana e partnerit. Do të gjejnë qetësi edhe ata që se fundmi janë ndarë, pasi do të mund të gjejnë dikë që do t’ju pëlqejë shumë. Të sapomartuarit duhet të shmangin problemet që kanë të bëjnë me paranë. Nuk do t’ju këshilloja që të linit familjarët të ndërhyjnë në zgjidhjen e problemeve tuaja private. Mund ta keni lënë pas dore personin tuaj të zemrës, sepse jeni marrë më tepër me punë. Disa prej jush do të jenë të interesuar në lidhjet paralele, dhe kështu do t’i lënë pezull vendimet për lidhje zyrtare. Dikush mund të hasë me mundësi të reja për njohje edhe gjatë udhëtimeve. Bëni kujdes ju që do të jepni provime. Ky muaj do të jetë premtues. Dhjetë ditët e fundit të qershorit do të jenë më të mirat. Do të ndiheni disi të mënjanuar gjatë javës së parë të muajit.
Gaforrja
Më në fund, Dielli do të shkëlqejë për të lindurit e kësaj shenje. Nëse keni kohë që punoni për ndonjë kompani, ky është momenti që të kërkoni një rritje rroge. Gjithsesi duhet të qëndroni me këmbë në tokë. Kujdes mos ta teproni me kërkesa apo me hapa shumë të guximshëm. Duhet edhe të bëni kompromise nëse sapo keni filluar një punë të re. Vendosja e Venusit në shenjën tuaj do të përmirësojë edhe marrëdhënien tuaj me kolegët, që prej datës 17. Nëse aktiviteti juaj bazohet tek shitjet, atëherë prisni për rezultate gjatë fundit të qershorit. Fundi i muajit do të jetë më frytdhënës edhe për ju që merreni me art, televizion, apo punë që kanë të bëjnë me kreativitetin. Kini parasysh të shtunën a datës 25. Idetë tuaja do të jenë fitimtare. Gjysma e dytë e këtij muaji do të jetë plot surpriza. Nëse nuk gjendeni në një lidhje, nuk është momenti për t’u mbyllur në shtëpi. Venusi do t’ju dhurojë sensualitet, ndërkohë që Dielli i vendosur në shenjën tuaj ka rezervuar takime special për ju. Do të nisë një kapitull i ri për ju që po prisni të bëheni me fëmijë. Kjo verë do të jetë e rëndësishme edhe për ju që do të vendosni të bashkëjetoni. Yjësia ju fton për të qëndruar me familjen tuaj dhe për të organizuar evente të ndryshme në këtë prizëm. Do të bëni hapa para nëse keni vendosur të birësoni një fëmijë, apo të kujdeseni për një person në nevojë. Është muaji i duhur për ju që doni të tregoni bujarinë tuaj në këtë aspekt. Nga ana tjetër, edhe qershori do të jetë bujar me ju. Nga shumë pikëpamje mund të themi me plotgojë që ju jeni një nga shenjat më të favorizuara të momentit. Yjësia duket pozitive dhe do t’ju mbushë plot energji. Kini kujdes me shëndetin në ditët më të vështira, sidomos gjatë pjesës së parë të muajit. Gjatë datave 2 dhe 8 ju këshillojmë të qëndroni larg situatave të komplikuara dhe të mos bëni hapa shumë të guximshëm.
Luani
Maji mund të ketë shënuar kulmin e arritjeve për ju, por edhe qershori nuk duhet nënvlerësuar. Mund të ketë pasur mjaft të reja për ju që zotëroni një aktivitet privat. Në rastin më të mirë, do të mund të zgjidhni edhe probleme që prej kohësh i konsideronit si të bllokuara. Yjësia do të jetë shumë e favorshme këtë muaj, edhe pse do të ketë edhe ditë të vështira. Kini kujdes gjatë datave 16 dhe 17, pasi këmbëngulja nga ana e një shefi, vonesa, apo keqkuptime, mund t’ju nxjerrin jashtë loje. Idetë e mira vlejnë sa ari dhe yjësia e mrekullueshme karshi jush do t’jua rrisë ndjeshëm kapacitetet. Edhe studentët do të jenë të favorizuar. Ju që do të diplomoheni këtë periudhë, do të keni mundësinë të filloni menjëherë punë. Sa i takon kësaj do të flasim më shkoqur në shtator, pasi do të jetë një muaj plot risi. Risi të cilat do të marrin udhë pikërisht tani. Yjësia e këtij muaji do të jetë në gjendje të zgjidhë probleme që kanë nisur që në maj. Nëse keni përjetuar një ndarje muajin që shkoi, tashmë është koha për të falur dhe për të ecur përpara. Do të mund të zgjidhni probleme nga më të ndryshmet, edhe pse për ndonjë arsye nuk keni mundur ende të martoheni, apo të bashkëjetoni me personin tuaj të zemrës. Gjatë kësaj periudhe, adoleshentët do të kenë probleme me prindërit. Mund t’ju duhet edhe të kujdeseni për ndonjë person të afërt të shtëpisë. Qershori do t’ju kërkojë më tepër përkushtim dhe vëmendje, por të gjitha janë të zgjidhshme. Yjësia e këtij muaji do të jetë shumë herë më e mirë se ajo e muaji që shkoi, pasi Marsi në shenjën tuaj do të evitojë problemet dhe tensionet e forta. Duhet të bëni kujdes gjatë datave 13 dhe 19. Kujdes për veprimet që do të ndërmerrni. Do të mund të rimëkëmbeni gjatë javës së fundit të muajit. Mos u mundoni së tepërmi.
Virgjëresha
Gjatë këtij muaji do të reflektoni sa i takon problemeve të punës. Do të përqendroheni në këtë aspekt, aq sa dashurinë do ta lini pas dore. Yjësia do të jetë pozitive. Do të mund të distancoheni nga gjërat që nuk ju pëlqejnë, apo të ndryshoni shoqëri. Dikush do të zgjedh midis dy punësh, apo të ndryshoj pozicionin e tij brenda kompanisë ku punon. Mund të kaloni dhe një periudhë të vështirë dhe do t’ju duhet të përshtateni. Mund t’ju duhet t’i vini pas fijes një shefi për të cilin nuk keni aspak respekt. Kjo, sepse nëse punoni të shkëputur nuk do të përfitoni një rritje rroge, të cilën e meritoni. Përpiquni të shtrini këmbët sa keni jorganin dhe të mos shpenzoni shumë, sikur edhe për shtëpinë apo fëmijët. Mos shpërdoroni punët që keni bërë deri më tani. Mund të ndiheni të pakënaqur për momentin, por duhet të bëni atë që është e nevojshme. Sa i takon punës, dy javët e para të muajit do të jenë më të mirat. Që prej datës 17, Venusi do të vendoset në shenjën tuaj dhe do t’i forcojë pozitat tuaja në dashuri. Ju që gëzoni lidhje të konsoliduara keni filluar të bëni projekte për të bashkëjetuar, apo për të bërë fëmijë. Kjo verë do të jetë tepër pozitive me të gjithë ju që do të ndërmerrni këto hapa. Edhe ju që i keni dhënë fund historive të dashurisë gjatë dy viteve të fundit, tashmë do të mund t’i fshini emocionet negative dhe do të mund t’ia nisni nga e para. Kjo yjësi do të kënaqë nevojat tuaja për vanitet dhe mirëqenie. Ditët rreth datës 21 do të jenë mjaft interesante sa i takon fushës së ndjenjave. Mund të ndodhë që disa prej jush të tradhtojnë dhe të përjetojnë kështu histori paralele. Do të ndiheni të tensionuar gjatë të dielave të datave 5 dhe 19. Gjatë muajve të fundit, ndryshimet që keni bërë në punë ju kanë stresuar. Mos harroni që përgjegjësitë tuaja familjare vijnë mbi të gjitha të tjerat.
Peshorja
Që prej shtatorit, Jupiteri do të jetë në shenjën tuaj. Kjo do t’ju vërë në lëvizje. Studentët që kanë dhënë maksimumin e tyre, do të marrin rezultate të shkëlqyera. Edhe nëse nuk do të merrni menjëherë oferta për punë, duhet të tregoheni të duruar me një periudhë prove 3-4 mujore. Me një yjësi të tillë, do të ndiheni më të lirë edhe për iniciativa private, apo për të ndërruar punë. Mos prisni që gjërat t’ju bien nga qielli. Duhet të jepni maksimumin tani, që të shikoni rezultatet në fund të vitit. Ju këshilloj që t’i mbyllni marrëveshjet më të rëndësishme deri në fund të qershorit, në mënyrë që të shijoni një rilindje të vërtetë. Disa prej jush do të mendojnë të bëhen me fëmijë. Do të ketë prurje shumë të mira për ju që doni të ndryshoni punë, apo për profesionistët e lirë. Fusha e ndjenjave duket e qetë për ju. Nëse ende nuk keni mundur të realizoni bashkëjetesën apo të martoheni, tashmë është koha e duhur për të hedhur hapa të mëdhenj. Duhet të keni parasysh që yjet thjesht na udhëzojnë. Pjesa tjetër ju takon juve që ta konkretizoni. Nëse keni për të bërë ndonjë kërkesë nuk duhet të hezitoni. Rreth datës 23, yjësia duket e përkryer. Edhe ju që nuk jeni në një lidhje do të keni mundësi shumë të mira për t’u njohur. Nëse jeni prej kohësh në një lidhje, duhet të mendoni për martesë në një muaj të ngrohtë si ky. Edhe nëse ndodh që të përjetoni një ndarje, do të ndiheni pozitiv, sikurse të keni hequr dorë prej një problemi që e keni pasur prej kohësh. Dashuritë e reja që do të lindin në qershor do të jenë të rëndësishme dhe të forta. Do t’ju përcjellin emocione të lindurit nën shenjën e Gaforres, Binjakëve dhe Luanit. Forma juaj fizike është përmirësuar ndjeshëm me atë të disa muajve më parë. Lajme të mira do të ketë edhe për ju që doni të lini pas disa vështirësi. Ditët e fundit të muajit do të jenë më të mirat për ju që kërkoni mirëqenie fizike.
Akrepi
Ka nisur për ju një fazë në të cilën do të jeni tepër të favorizuar. Tre muajt që do të vijnë do të jenë të rëndësishëm për të vendosur në lidhje me punën tuaj. Me shumë gjasa do të merrni një telefonatë të papritur. Prisni për mundësi të reja, apo për lajme në varësi të punës që keni. Përgjatë këtij muaji mund të firmosni dhe marrëveshje që prej kohësh keni pritur ti realizoni. Nëse keni kohë që prisni një telefonatë, më në fund, rreth datës 13 do të hapen dyert e fatit për ju. Kjo periudhë do të kërkojë vullnet nga ana juaj. Mos hezitoni të bëni përpara, sidomos në data tuaja më me fat, që prej 16 qershorit, deri më 21. Shfrytëzojini me zgjuarsi dhe përqendrim mundësitë e reja që do t’ju vijnë. Më në fund do të favorizohen edhe studentët. Nëse vitin që shkoi keni marrë disa goditje, tashmë është koha të rimëkëmbeni. Do të përjetoni një rizgjim dhe pasion në dashuri. Do të hasin probleme ata të cilët mbajnë lidhje paralele. Rreth datës 3, këto probleme do të bëhen më të dukshme. Mos u mbyllni në shtëpi nëse nuk e keni gjetur personin tuaj të zemrës. Duhet të viheni në lëvizje. Bëjini mirë llogaritë. Nëse bëni pas në të shkuarën, do të kujtoheni që prej viti 2013 deri më 2015 keni bërë shumë shpenzime. Problemet ekonomike shkaktojnë gjithnjë krisje, edhe në familjet më të konsoliduara. Por, tashmë keni një mundësi shumë të mirë që të menaxhoni situatën dhe të rimëkëmbeni. Njohjet dhe dashuritë e reja që do të lindin këtë muaj do të jenë të rëndësishme. Ditët më të mira do të jenë prej datës 20 deri më datë 26. Kjo periudhe do të jetë e favorshme sa i takon punës dhe dashurisë. Nuk ndodh e njëjta gjë edhe për mirëqenien fizike. Ditët më të vështira do të jenë e premtja e datës 3 dhe e enjtja e datës 23. Shmangni stresin dhe tensionet.
Shigjetari
Ruani qetësinë gjatë dy javëve të para të muajit. Qershori do të nisë me konflikte, por për fat do të mbyllet duke u përmirësuar. Do të përjetoni shqetësime në punë për gjëra që nuk shkojnë mirë. Prej datës 6, deri më datë 10 këto ndodhi do ta komplikojnë disi jetën tuaj. Kjo varet edhe prej punës që bëni. Bëjini mirë llogaritë nëse doni të ndërroni apo mbyllni aktivitetin tuaj. Nuk do t’ju këshilloja të bëni atë që dëshironi përgjatë këtij viti. Kini kujdes edhe ndaj zënkave me familjarët. Prej datës 20, deri më 27 mund të mbyllni edhe çështje të lëna pezull. Bëni kujdes ta zgjidhni situatën duke mos krijuar armiqësi dhe duke shmangur konfliktet. Nëse gjërat që kanë lidhje me punën nuk shkojnë ashtu siç doni ju, prisni muajin gusht, apo shtator për t’i dhënë një zgjidhje përfundimtare. Ndërkohë ju presin projekte të reja. Mundet që të debatoni me një shef. Nuk do të ndiheni të kënaqur sa i takon financave tuaja. Sa i takon dashurisë, do të ketë momente ku do të dyshoni. Bëni kujdes të dielën e datës 19. Nëse keni probleme që lidhen me të shkuarën, nëse së fundmi keni përjetuar një ndarje, është e qartë që do të rikthehen protagonist ata që mendonit se i kishit lënë në të pas. Do të ndesheni edhe me probleme ekonomike , të cilat po përpiqeni t’i zgjidhni që prej shtatorit të viti që shkoi. Nuk do t’ju këshilloja të bënit njohje të reja gjatë pjesës së dytë të muajit. Bëni kujdes edhe me tradhtitë bashkëshortore, pasi mund të dilni zbuluar. Lidhjet jo serioze janë ato që do t’ju këshilloja. Mund të filloni të mendoni për të bërë fëmijë përgjatë katër muajve të ardhshëm. Gjatë këtij muaji mund të përjetoni stres, por do të kujdeseni mirë për formën tuaj fizike. Më se shumti do të keni konflikte në punë. Në ditë të tilla do të ishte shumë mirë nëse do ta shmangnit tensionin.
Bricjapi
Kjo periudhë do të jetë tepër e favorshme për të lindurit në shenjën e Bricjapit, të cilët i kanë idetë e qarta. Meshkujt e kësaj shenje do të duan të punojnë më vete apo të bëhen shefa nëpër kompanitë ku punojnë. Situata paraqitet e mirë edhe me pasuritë e paluajtshme, pasi do të dini t’i menaxhoni me zgjuarsi. Do të zhduket pakënaqësia që keni ndjerë këto muajt e fundit. Do të mund të hiqni dorë edhe prej bashkëpunimeve, për të cilat nuk keni më asnjë interes. Do të bënit mirë ta shfrytëzonit këtë situatë të favorshme. Do të ketë mundësi për rritje në detyrë edhe për nëpunësit. Përpiquni të bëni një marrëveshje përpara shtatorit. Katër muajt e fundit të vitit do të jenë më frytdhënësit. Që prej disa muajsh, ju të lindurit në shenjën e Bricjapit, po ndërmerrni rrugë të reja profesionale, të cilat nuk i kishit provuar më parë. Ndryshime të mëdha ju presin. Nëse keni të bëni me një person që nuk i plotëson kërkesat që keni, është moment të thoni, jo! Në të kundërt, nëse keni në krah njeriun që kishit ëndërruar, mund t’i thoni më në fund, po! Do të përjetoni një rënie të lehtë, të shtunën e datës 18. Nëse dikush ju duket tepër antipatik, mund t’ia thoni dy fjalë në ditët më të rënda. Do të përjetoni tension rreth datave 27 deri më 29 qershor. Gjatë dhjetë ditëve të fundit të muajit do të mund të sqaroni raportet tuaj më të vështira. Kini parasysh që, edhe nëse vendosni të ndaheni, do të ndiheni të çliruar. Shpresoj që kjo yjësi të sjell fat në çiftet që ende duhen. Do të diskutoni sa i takon organizimit, rritjes së fëmijëve e kështu me radhë. Dy javët e fundit të muajit do të jenë ato më të vështirat. Do të vuani nga shpina, apo stomaku. Gjatë pjesës së parë të muajit do të ndiheni më të gjallë. Puna dhe familja ju thithin gjithë energjinë që keni. Për këtë arsye mundohuni të shmangni stresin. Mund të ndiheni të shpërqendruar gjatë datës 28 të këtij muaji.
Ujori
Gjatë këtij muaji do të ndiheni nervoz për shkak të pozicionit jo të përshtatshëm të planetit Mars. Bëni mirë të ruani qetësinë. Do t’ju lindin ide të reja, apo do të merrni oferta mjaft të mira. Gjithsesi bëni mirë të prisni datës 12 qershor për të vepruar. Nëse prisni që t’ju realizohen disa projekte, do të merrni lajme të shkëlqyera. Të favorizuar do të jeni edhe ju që jeni me sezon provimesh. Nëse ndiheni të pakënaqur me punën që bëni, ose keni të bëni me një shef që nuk ju vlerëson, do të kaloni nj ë periudhe rebelimi. Për këtë arsye mund të ndodhë që t’ju duhet të ngrini zërin në mënyrë që t’jua vënë veshin. Fitimet do të jenë më të mëdha për ju që zotëroni një aktivitet privat. Atmosfera do të jetë tepër pozitive edhe sa i takon fushës së ndjenjave. Do ta kenë të vështirë vetëm ata, të cilët këmbëngulin për të pasur një marrëdhënie që nuk premton më. Të lindurit nën shenjën e Ujorit janë përherë në kërkim të emocioneve speciale. Në rast se do të përjetoni një ndarje, do të rinisni menjëherë një histori të re. Do t’ju duhet të bëni disa zgjedhje rrënjësore. Nuk mund të jetoni më të dyzuar. Kini parasysh data 14 dhe 23, pasi do të jenë me rëndësi. Në fund të muajit mund të bëni një propozim për martesë, nëse jeni vërtetë të dashuruar. Ditë më të mira ju presin edhe ju që keni kaluar një periudhë të stresuar. Do të ndesheni me shqetësime që kanë të bëjnë me paratë. Rreth datës 3 do të ndiheni shumë të lodhur. Bëni kujdes të mos i përshpejtoni gjërat, siç mund të ndodhë në datat 8 deri më 10 qershor. Mund të keni probleme me dhimbjet muskulore.
Peshqit
Ka ardhur momenti që të thoni “mjaft”, nëse punët nuk po shkojnë siç duhet. Kështu që, nëse punoni në një ndërmarrje, prisni t’ju ndodhin ndryshime përgjatë kësaj vere. Që në pranverë kishit dëgjuar zëra që kishin të bënin me këto ndryshime. Ka shumë mundësi që të ndryshoni pozicioni tuaj në punë, apo në rastet më ekstreme do të ndryshoni aktivitetin me të cilin merreni. Perspektiva juaj do të ndryshojë gjatë gjysmës së dytë të muajit, edhe nëse jeni larguar nga puna për arsye personale. Venusi do të vendoset në shenjën tuaj duke filluar që prej datës 18. Situata do të përmirësohet akoma më shumë pas datës 20, kur edhe Dielli do të jetë i favorshëm ndaj jush. Do të merrni përgjigjën që prisnit lidhur me punën tuaj. Për ju që prisni rezultate në fushën e pasurive të paluajtshme, do të përjetoni paksa tension dhe do t’ju duhet të prisni. Do të merrni lajme shumë të mira brenda gushtit. I këshillojmë studentët të përgatiten mirë dhe të mos nënvlerësojnë provimet e sezonit. Dashuria do të jetë në plan të parë. Mund të ndesheni edhe me vështirësi dhe do t’ju duhet t’i tërhiqni vëmendje partnerit tuaj. Mbani shënim datat 4 dhe 5, pasi mund të përjetoni një periudhë jo shumë të mirë, edhe nëse jetoni me njeriun më të mirë në botë. Rreth datave 18, 19 mund të ndiheni të lodhur nga kjo situatë. Është momenti i duhur për ta kuptuar më mirë raportin që keni me partnerin. Mund të debatoni me një ish të dashur nëse apo jeni ndarë. Nëse do të krijoni një lidhje këtë muaj, do ta bëni vetëm për të mos qëndruar vetëm. Gjatë dy javëve të para të qershorit do të ndiheni shumë të tensionuar. Gjërat do të shkojnë disi më mirë fundjavën e datave 25 dhe 26. Shëndeti do të përmirësohet. Nëse jeni duke organizuar një udhëtim, bëni mirë të prisni datën 20. Ditët e fundit të muajit do të jenë të dobishme edhe për ju që po kërkoni për një kurë të re për problemet tuaja shëndetësore.
