Çiljeta nuk do të ketë më gjoks të madh

Ajo e ka paralajmëruar prej kohësh se do t’i nënshtrohet një ndërhyrjeje kirurgjikale për zvogëlimin e gjoksit! Dhe Çiljeta Xhilaga ashtu siç garantoi se do ta bënte të ditur kur ta kryente këtë ndryshim, njoftoi përmes një postimi në “Instagram”.

Këngëtarja ka deklaruar se kjo ndërhyrje është e nevojshme për të, pasi pesha e gjoksit mund t’i dëmtojë shtyllën kurrizore.

Çiljeta e ka shprehur disa herë më parë dëshirën për t’iu nënshtruar kirurgjisë për zvogëlimin e gjoksit, por gjithmonë dukej se tërhiqej pasi “nuk ndihej gati të hiqte dorë nga gjoksi i saj”.

Ajo ka udhëtuar për në Itali që ta realizojë këtë ndërhyrje, e përpara se të nisë operimin ka shkrepur një foto nga shtrati i kirurgjisë, të cilën e ka postuar në “Instagram” duke u kërkuar fansave që t’i urojnë fat: “Më uroni fat! Pas pak orësh, s’ka më gjoks të madh! Ndihem me fat që operacioni im do të zhvillohet nga doktori më i mirë në Itali, doktori i njerëzve të famshëm në Europë”.