Dashi
Ndërkohë që Venusi do të jetë në favorin tuaj vetëm gjatë ditëve të para të muajit, Saturnin dhe Uranin do t’i keni në krah gjatë gjithë gushtit. Të lindurit nën shenjën e Dashit duhet të ndihen të kënaqur, pasi prej shumë kohësh tashmë, yjësia ka qenë në favori të tyre. Zgjedhjet që keni bërë muajt e fundit ju kanë mbajtur tepër të angazhuar. Prisni për ndonjë lajm pune me kohë të pjesshme gjatë javëve të fundit të muajit. Do të ndiheni të frymëzuar dhe plot ide nën këtë yjësi. Ju që zotëroni një biznes privat, do të dini t’ia vilni frytet. E diela e datës 21 do të jetë mjaft interesante. Mund të merrni një konfirmim sa i takon një pune të re. Ju kujtojmë se për shumë prej jush jeta ka marrë një kthesë të re që prej gushtit të vitit 2014. Ju që keni mundur të dilni mirë nëpër provime, prisni lajme të mira gjatë shtatorit. Vlerësojini propozimet e reja që do t’ju vijnë.
Nëse jeni duke menduar vetëm për punën, ju kujtojmë se edhe dashuria është shumë e rëndësishme. Do të ndiheni shumë të fortë emocionalisht dhe me Marsin dhe Saturnin në krah do të mund të përjetoni një aventurë të mrekullueshme. Ju që do të shkoni me pushime, do të mund të gjeni atë që ju mungon. Datat 19 dhe 24 do të jenë shumë të rëndësishme. Kini parasysh të bëni lëvizjet tuaja gjatë pjesës së dytë të gushtit, nëse dikush ju pëlqen. Do të njihni njerëz në mënyra nga më të ndryshmet. Duke qenë se jemi dhe në një muaj pushimesh, mund të shfrytëzoni pushimet, plazhin, internetin. Ky është një muaj i rëndësishëm edhe për ata që duan të martohen. Miqësitë e lindura gjatë gushtit mund të marrin një tjetër kthesë për ju. disa prej jush do t’i kthehen së shkuarës, ose do të përjetojnë histori paralele. Nuk po e ekzagjerojmë!
Duhet të përpiqeni të rimëkëmbeni fizikisht. Gjatë gjysmës së parë të muajit do të merreni me probleme familjare. Dielli do të jetë në favorin tuaj. Pushimet rezervojini pas datës 12. Do të jetë i dukshëm përmirësimi juaj psiko-fizik.
Demi
Ky do të jetë një muaj i rëndësishëm. Yjësia do t’ju favorizojë për projektet që keni në planet tuaja. Duke qenë në një muaj pushimesh, do të ndiheni më të favorizuar ju që do të keni aktivitete turistike. Nëse për momentin nuk keni një punë, edhe pushimet verore do t’ju vlejnë për të krijuar kontakte të reja. Marsi dhe Saturni nuk do të jenë miqësorë karshi jush, sa i takon problemeve ekonomike. Të ardhurat që do të fitoni në këtë periudhë do t’ju shërbejnë për të mbuluar shpenzimet e mëdha që keni bërë gjatë dy viteve të fundit. Ky do të jetë një muaj me rëndësi edhe për ju që doni të shisni apo të blini një biznes. Do të merrni përgjigjet që prisni për punë dhe do të ndiheni të kënaqur, sidomos pas datës 22. Do të mund të ngriheni në detyrë, apo të zhvilloni biznesin tuaj. Ju presin aktivitete të ndryshme me miqtë tuaj, apo me personin tuaj të zemrës. Zhvillimet e këtij muaji do të jenë pozitive.
Nëse jeni beqarë, prisni mjaft ndryshime përgjatë këtij muaji. Do t’ju nevojitet vullnet dhe iniciativë, në mënyrë që të përfitoni sa më shumë nga kjo situatë. Bëni kujdes të zgjidhni njeriun e duhur. Yjësia do t’ju përkrah për të realizuar takimin. Ju këshillojmë të zgjidhni këto data: 5, 14, dhe 23 gusht. Yjësia do të jetë e favorshme edhe për ju që parashikoni të martoheni, apo të bashkëjetoni. Gjatë këtij muaji të nxehtë, priten të lindin edhe histori të rastësishme, që do t’ju dhurojnë emocione speciale. Kjo është një periudhë ideale për të udhëtuar dhe për të lënë pas krahëve historitë e trishtuara. Nuk mund të pretendoni t’ju kthehet një dashuri e pamundur, por nën këtë yjësi të shkëlqyer, do të mund ta harroni. Ju që keni përjetuar një ndarje, do të ndiheni të lirë më në fund.
Mirëqenia juaj fizike do të përmirësohet gjatë këtij muaji. Datat 5, 22, dhe 30 do të jenë më të rëndësishmet në këtë aspekt. Yjësia do të jetë mjaft e favorshme. Do të mund të gjeni një kurë për një sëmundje që ju mundon prej kohësh.
Binjakët
Ju, të lindurit nën shenjën e binjakëve, do të përjetoni një fazë heshtjeje, që të kuptoni më mirë mundësitë që do t’ju ofrohen në të ardhmen. Mund të provoni të kërkoni punë edhe në qytete të tjera për të pasur një eksperiencë ndryshe nga të tjerat. Disave prej jush, do t’ju duhet të ndryshoni planet për pushime, për shkak të mungesës së parave. Do të merrni një përgjigje që prisni për punë, edhe pse do të vonojë pak. Do të ndiheni disi të pakënaqur, pasi kërkesat tuaja do të jenë më të mëdha se sa mundësitë që keni për t’i përmbushur ato. Bëni mirë të shmangni mosmarrëveshjet, nëse punoni në një kompani private. Nuk përjashtohen edhe diskutimet e mbartura nga e shkuara. Nëse prisni përgjigje sa i takon një pagese që keni për të bërë, do të vonojë. Gushti është muaj pushimesh, prandaj përpiquni t’i kaloni gjërat më lehtë, sidomos rreth datës 19. Përpiquni të shmangni diskutimet e kota.
Kjo do të jetë një periudhë pak e vështirë sa i takon dashurisë. Ju që keni përjetuar një ndarje kohët e fundit, do t’ju duhet të përballeni me një ish të dashur. Përgatituni për të bërë shpenzime. Duhet të ruani qetësinë nëse keni probleme në marrëdhënien tuaj. Nëse ka ardhur momenti për t’u ndarë, gushti do të jetë një muaj që do t’jua bëj më të lehtë këtë gjë. Jo të gjithë të lindurit nën shenjën e Binjakëve do të përjetojnë një situatë të tillë. Gjithsesi, do të bënit mirë t’i shmangnit hapat e pasigurt, apo tradhtitë që me siguri do të zbulohen nga partneri juaj. Edhe problemet që do të keni me paratë do të zvogëlojnë dëshirën që keni për njëri-tjetrin. Përpiquni që të mos jeni kaq kaotik dhe mos e teproni me kritikat tuaja. Ndoshta po shkarkoni në marrëdhënien tuaj, tensionin e përjetuar në punë. Historitë që do të lindin në gusht do të jenë të brishta dhe të shkurtra.
Bëni kujdes të mos e sforconi shumë organizmi tuaj. Kjo këshillë vlen sidomos në datat 12, 19 dhe 22 gusht. Do të ndiheni disi poshtë moralisht. Ky muaj do t’ju ndihmojë të rimëkëmbeni, gjithsesi mos u përpiqni më shumë nga sa keni mundësi.
Gaforrja
Ky muaj do të jetë i frytshëm për të gjithë ju që punoni në sektorin e turizmit, në botën e spektaklit, apo për ju që keni marrëdhënie me klientë. Qershori dhe korriku kanë qenë muaj të mbarë, kështu që shpresojmë që të keni rënë dakord për marrëveshjet e punës në këtë gjysmë të parë të vitit. Që prej shtatorit, nuk do të keni më mundësi të tilla. Është e rëndësishme që t’i bëni gjërat e qarta. Do të merrni oferta të reja për punë, mirëpo nuk do të keni rezerva për ata të cilët do t’ju propozojnë. Duhet të dini që gjysma e parë e këtij viti është më emirë se ajo që pritet të vijë. Do të ndjeni një përmirësim sa i takon të ardhurave tuaja. Një kthesë e fortë parashikohet edhe për ata që punojnë në qytete të tjera. Është i mundshëm një transferim, apo ndryshim rreth datave 19, deri më 27 të këtij muaji. Bëni mirë të kurseni.
Këtë muaj mund ta shfrytëzoni edhe për të bërë njohje të reja. Disa prej jush kanë përjetuar ndryshime të mëdha gjatë kësaj periudhe. Mund të jeni bërë me fëmijë, apo të keni ndarë me partnerin projekte të rëndësishme. Po ashtu, disa prej jush kanë bërë edhe ndryshime profesionale, apo kanë ndërruar shtëpi. Nëse keni një marrëdhënie të konsoliduar tashmë, e vetmja pengesë për ju janë paratë, apo fëmijët. Nëse deri më tani keni pasur durimin e nevojshëm për t’u përballur me njerëz të padëshirueshëm, që prej shtatorit ky durim do t’ju shterojë. Në pjesën e dytë të vitit do të mund të shkëputeni nga marrëdhëniet e padobishme. Nëse do të keni zënka me partnerin, bëni mirë të flisni dhe të zgjidhni mosmarrëveshjet. Yjësia do të jetë e favorshme për njohjet e reja.
Yjësia e këtij muaji do të jetë e shkëlqyer. Bëni mirë të kurseni pak nga energjitë tuaja edhe për pjesën e dytë të vitit. Do të ndiheni shumë mirë fizikisht. Përmirësimi i shëndetit do të jetë i dukshëm sidomos në datat 5, deri më 21 gusht. Do të keni nevojë për një mjekim për stomakun.
Luani
Edhe pse gushti është një muaj pushimesh, disa prej jush do ta gjejnë veten duke bërë ndryshime të rëndësishme për të ardhmen. Ky do të jetë një muaj i rëndësishëm edhe sa i takon çështjeve të pasurive të patundshme. Do të mund të bëni marrëveshje shumë të mira. Pikëtakimi i Marsit me Saturnin rreth datës 22, do t’ju dhurojë një periudhë më të qetë krahasuar me atë të dy muajve të shkuar. Këtë gjë mund ta shfrytëzoni për t’i dhënë zgjidhje çështjeve me rëndësi. Problemet e parave nuk zgjidhen krejt papritur, por yjësi do t’ju vijë në ndihmë. Nëse keni ndër mend të shisni gjëra me vlerë, do të mund të gjeni blerësin ideal dhe brenda këtij muaji do të fitoni para. Shtatori do të vij shumë i mbarë dhe parashikimet për këtë muaj qe vjen, janë më se të favorshme. Shumë shpejt do të përjetoni moment qetësie. Jini të vëmendshëm! Nëse jeni nëpunës, mos kini drojë të kërkoni më tepër. Lajme të mira edhe për ata që merren me sport. Do t’ju ofrohen mundësi të reja për t’u promovuar.
Do të bëni mjaft përmirësime në sektorin e dashurisë. Nëse më parë kemi folur për aftësinë e paparë qe keni ju të lindurit nën shenjën e Luanit për të falur, tashmë ka ardhur momenti për të bërë zgjedhjet e duhura për të ardhmen. Nëse do të shkëputeni nga një marrëdhënie, aq më mirë! Do të ta merrni veten menjëherë. Me një yjësi të tillë, do ta keni të lehtë të bini edhe në tundim. Edhe nëse keni pak kohë të martuar, dikush tjetër do të bëhet pjesë e mendimeve tuaja. Kini parasysh që tradhtia nuk është asnjëherë rruga e duhur. Të lindurit nën shenjën e Luanit kanë nevojë që të jenë përherë në qendër të vëmendjes. Kështu që nëse e ndjeni partnerin të largët, apo jeni kritikues karshi tij, do ta shtyni atë t’ju tradhtojë. Yjësia do të jetë e favorshme për ju që doni të bëheni me fëmijë. Mos u trembni nëse jeni ende të rinj! Kjo është një periudhë e përshtatshme për t’u martuar, apo për të bashkëjetuar. Datat 12, 13 dhe 21 do të jenë speciale për ju. Nuk është koha për t’u bërë melankolik apo të pasigurt, pasi do të humbisni një periudhë të shkëlqyer.
Falë Marsit do të përmirësohet edhe forma juaj fizike. Ditët e nxehta të gushtit do të jenë mjaft interesante. Kini parasysh që pjesa e parë e muajit është më e mira për t’u kujdesur për veten gjatë pushimeve.
Virgjëresha
Fillimi i muajit do të jetë mjaft interesant. Mërkuri, Venusi dhe Jupiteri do të jenë në favorin tuaj. Mund të merrni lajme nga puna për t’u rritur në detyrë, apo për të ndërruar pozicion. Nismën mund ta keni marrë që në korrik, por në gusht do të vendoset gjithçka. Të rinjtë nuk duhet të demoralizohen. Është moment të vini në dukje cilësitë tuaja. Për disa prej jush, do të jetë pikërisht gushti, muaji i komunikimeve më të rëndësishme. Ndër ditët më të spikatura të muajit do të jetë data 5. Mos lini t’ju shpëtojë asnjë mundësi. Do të zvogëlohen shqetësimet për të vegjlit tuaj, dhe nga ana tjetër do të shtohet kënaqësia. Periudha mes gushtit dhe shtatorit do të jetë një fazë pjellorie dhe ka mundësi të merrni lajme të mira në këtë aspekt. Pushimet verore do t’ju vijnë në ndihmë për t’u rimëkëmbur fizikisht dhe për t’u ndjerë më optimist.
Ky muaj është ideali për njohjet e reja. Gjithashtu, kjo është një fazë e përshtatshme edhe për ata që duan të bëhen me fëmijë. Bëni mirë të shmangni çdo hezitim që keni në aspektin e ndjenjave. Gjatë këtij muaji pushimesh do të keni rastin të provoni ndjesi të reja, nën këtë yjësi tepër speciale. Kjo periudhë është më se e përshtatshme edhe për ata që duan të bashkëjetojnë, apo të martohen. Mund të ndodhë edhe që të ndërroni shtëpi, në rast se kërkoni punë në një qytet tjetër. Brenda fundit të muajit do të merrni një lajm të shkëlqyer.
Duhet ta shfrytëzoni këtë muaj për të gjetur serish energjinë e duhur. Mund të ndiheni paksa në ankth, kjo si shkas i pozicionit jo të favorshëm të Marsit. Kujdes në datat 12 dhe 19, pasi mund të bëheni pjesë e një zënke. Edhe çifteve më të qeta mund t’ju ndodhë që të përjetojnë një tension. Për këtë arsye është mirë që të mos e vrisni shumë mendjen dhe të argëtoheni më tepër. Përmirësimi juaj fizik do të jetë i dukshëm. Duke qenë se keni kaluar një periudhë shumë të angazhuar me punë, është koha të mos e lini pas dore relaksin.
Peshorja
Pas pak javësh, Jupiteri do të vendoset në shenjën tuaj duke e bërë shumë të rëndësishëm këtë muaj për ju. Do të ndërtoni themelet për një kthesë në jetën tuaj. Është koha që të vilni frytet e punës së mirë që keni bërë në pranverë. Studentët që i kanë kaluar me sukses provimet do të marrin lajme të mira dhe do të kenë mundësi për t’u praktikuar në profesionin e së ardhmes. Do të relaksoheni mjaftueshëm gjatë pushimeve. Për ju që do të vazhdoni të jeni në kushte pune, mund të arrini në marrëveshje me bashkëpunëtorët tuaj. Mos i lini pa shprehur idetë tuaja. ditët tuaja më të mira shënojnë në datat 17, 18, 25 dhe 26 gusht. Puna juaj do të jetë në përmirësim e sipër. Do të ndiheni sërish në qendër të vëmendjes.
Nuk do të ndiheni më të pasigurt në sektorin e dashurisë. Do t’i jepni fund zënkave dhe do të gjeni sërish ekuilibrin. Ky muaj do të favorizojë edhe njohjet e reja pasionante. Nëse jeni beqarë, do ta lëshoni veten pas aventurave duke mos menduar shumë për të ardhmen e lidhjes suaj. Ditët më të speciale do të jenë ato përreth mesit të gushtit. Gjithsesi, këto janë thjesht disa udhëzime që ju duhet t’i vini në punë. Pra, nuk duhet të qëndroni duarkryq, port ë organizoni festa, apo të merrni pjesë në to. Do të bënit shumë gabim nëse do të mbylleshit në shtëpi. Do të jenë të favorizuar edhe ata që kërkojnë një marrëdhënie të qëndrueshme. Do të realizoni ëndrrën tuaj nëse keni dashur gjithmonë të bashkëjetoni. Gjithashtu, edhe ata që duan të martohen, të kenë parasysh që gushti është muaji ideal.
Shëndeti juaj do të përmirësohet. Përpiquni të ulni ritmet në punë dhe të merreni më shumë me fizikun tuaj. Të dielën, më datë 14 do të përjetoni paksa stres. Por, mos u shqetësoni. Situata do të përmirësohet që prej datës 16. Duke qenë në tension mund të vuani edhe nga dhimbjet e lehta të kokës, dhimbjet e stomakut, apo pagjumësia.
Akrepi
Situata juaj përmirësohet sa më shumë i afrohemi shtatorit. Do të jeni në pritje të gjërave të reja, emocionuese dhe të rëndësishme. Duhet të filloni të konkretizoni mendimet tuaj nëse doni që të realizohen. Do të merrni përgjigje nëse keni dhënë provime së fundmi. Ndërkohë, ju që ishit shkëputur prej kohësh nga puna, do t’i riktheheni asaj brenda shtatorit. Nëse deri më tani nuk gjenit gjuhën e përbashkët me bashkëpunëtorët tuaj, tashmë është moment të bini në një mëndje. Gjendeni në një mjedis që evoluon shumë shpejt dhe për fat ju jeni njerëz që dini të përshtateni. Nëse keni ndër mend të hapni një aktivitet privat, kushtet do të jenë më se të favorshme. Duhet të gjeni kohën edhe për të pushuar dhe për të shijuar një moment relaksi.
Nëse fusha e ndjenjave nuk ka qenë pika juaj e fortë gjatë korrikut, gushtin do ta keni në favorin tuaj. Duhet të bëni përpara edhe nëse keni të bëni me njerëz që ju intrigojnë, apo ju pështjellojnë ndjenjat. Ky është një moment i rëndësishëm për ju beqarët, pasi do të gjeni atë për të cilin do t’ju rrahë zemra fort. Ju që gjendeni në një lidhje, do të mund të gjeni intimitetin që kishit humbur mes jush. Më në fund, kjo verë premton pushime të vërteta për ju që nuk kishit mundur të shijonit një palë të tilla prej kohësh. Kini parasysh të rezervoni pushimet tuaj prej datës 7 gusht e mbrapa. Njohjet që do të lindin gjatë mesit të muaji mund të bëhen të rëndësishme për ju. Persona të shenjës së Virgjëreshës, apo Bricjapit do të rikthehen protagonist në mendjen tuaj. Ky muaj do të jetë shumë i rëndësishëm sa i takon fushës së dashurisë.
Gushti do t’ju dhurojë një energji tepër pozitive. Do të shkëputeni nga një periudhë e lodhshme e muajve të fundit. Marsi do të vendoset në shenjën tuaj dhe do t’ju ndihmojë të reflektoni. Bëni kujdes të mos e humbni vigjilencën tuaj gjatë mesit të muajit. Data 30 dhe 31 duhet të shmangni tensionet dhe të ruani qetësinë.
Shigjetari
Marsi do të vendoset në shenjën tuaj dhe kjo gjë do të ndikojë pozitivisht tek ju. Ju që keni një punë që lidhet me turizmin, apo tregtinë, do të arrini te keni rezultate më të mira në këtë gusht të veçantë. Për fat të keq, problemi juaj qëndron në faktin se shpenzoni më tepër se sa fitoni. Jupiteri ju këshillon që të jeni të kujdesshëm me çështjet ligjore, apo financiare. Do të ndesheni edhe me probleme familjare, apo të shkaktuara nga ndonjë ish i dashur . Ju që zotëroni një aktivitet privat, keni ndër mend të bëni ndryshime administrative, gjë që duhet ta mirë mendoni me ortakët tuaj. Bëni kujdes në çdo hap që hidhni. Ky muaj do të ofrojë shumë edhe për ju që doni të shkëputeni prej punës për t’u çlodhur. Yjësia e datës 12 do të jetë e veçantë dhe do të mundësoje takime speciale, apo të reja interesante rreth punës. Ruani qetësinë në datën 25. Mund t’ju vijnë me vonesë lajme sa i takon çështjeve ligjore, apo nëse thjesht keni punë për të mbyllur.
Ky muaj nuk do të jetë shumë premtues sa i takon çështjeve të punës, apo atyre ekonomikë. Në disa ditë do të ndiheni më të shqetësuar, si për shembull në datat 5, 19, 25 dhe 26 gusht. Rreth fundit të gushtit do të ndiheni disi të demoralizuar. çiftet në krizë duhet të bëjnë kujdes, pasi nën këtë yjësi jo fort miqësore mund të lindin debate. Bëni kujdes edhe me njohjet e reja, pasi historitë që do të lindin në gusht do të jenë afatshkurtra. Disa prej jush mund të jenë në prag ndarjeje. Kjo, sepse ndiheni tepër të lodhur nga partneri. Ju që tashmë e keni marrë vendimin për t’u ndarë, ju pret një rrugë e gjatë për të rënë dakord për një sërë problemesh, si ekonomike, apo për çështjen e fëmijëve.
Kujdes me shëndetin! Java e fundit e muajit do të jetë e lodhshme dhe do t’ju nevojitet energjia që do t’ju dhurojnë planetët. Do të përjetoni tension midis datave 22 dhe 28. Bëni mirë të ruani përqendrimin dhe të tregoheni të matur.
Bricjapi
Pas një korriku që la shumë për të dëshiruar, gushti do të jetë një muaj i rëndësishëm. Nëse keni nën përgjegjësinë tuaj një staf njerëzish, bashkëpunëtorë të punës suaj, do ta ndryshoni, apo do ta reduktoni. Mund të ndryshoni edhe vendin tuaj të punës, apo aktivitetin privat që zotëroni. Ky do të jetë një muaj plot ide të reja. Bëni mirë t’i zgjidhni problemet këtë muaj, pasi në shtator nuk do ta keni më mbështetjen e Jupiterit. Bëni kujdes nëse vendosni të investoni para, edhe pse situata do të jetë në favorin tuaj. Nëse dini të bëni hapat e duhur, ju pret një vjeshtë frytdhënëse. Datat 10, 15 dhe 19 do të jenë interesante sa i takon të rejave në punë. Sipërmarrësit duhet të bëjnë disa zgjedhje, pasi jo të gjitha gjërat janë të mundura. Duhet të shkëputeni prej disa aktiviteteve të mbingarkuara, për të bërë gjëra më konkrete.
Pas një korriku tepër të tensionuar, do të keni dëshirë të përjetoni më shumë dashuri gjatë këtij gushti. Venusi do të vendoset në shenjën tuaj prej datës 5 dhe do të ndikojë të gjeni ekuilibrin në marrëdhënien tuaj. Do të favorizoheni të gjithë ju që kërkoni të argëtoheni duke mos e vrarë shumë mendjen këtë verë, apo ju që kërkoni një lidhje pas një periudhe vetmie. Rreth datës 14 prisni t’ju ndodhë diçka speciale. Edhe ju që do të përjetoni një ndarje, duhet ta shikoni si diçka pozitive, pasi do t’ju risjellin lirinë. Falë një Jupiteri të vendosur shumë mirë në shenjën tuaj, mund të planifikoni edhe për t’u bërë më fëmijë. Kjo do të jetë një periudhë fertile. Do të keni rast të festoni evente brenda familjes. Nëse keni kohë që qëndroni vetëm, sepse keni frikë të bini në dashuri, tashmë është koha t’i dorëzoheni asaj. Kjo do të jetë më e thjeshtë me Mërkurin, Venusin dhe Jupiterin në favorin tuaj.
Forma juaj fizike do të jetë më e mirë. Falë yjeve do të përmirësoheni dukshëm. Do të keni burime të mira energjie nëse do të punoni, apo do të udhëtoni këtë muaj. Do të ndiheni disi të lodhur në datat 7 dhe 21.
Ujori
Do të merrni përgjigje përfundimtare nëse keni marrë iniciativa që prej vitit të shkuar të hapur një aktivitet të ri. Yjësia do të jetë tepër e favorshme. Mund të vendosni të kërkoni një punë të re. Mos prisni t’ju bien gjërat nga qielli. Edhe pse gushti nuk është një muaj tipik për të filluar punë, do të bënit mirë të mendonit për një strategji, të cilën do ta vini në punë në shtator. Ju që bëni në pjesë në botën e spektaklit, apo punoni në sektorin e turizmit, të jeni të sigurt që do të keni më shumë punë në krahasim me të shkuarën. Nuk do t’ju mungojë energjia për të zgjidhur problemet. Data 22 do të jetë mjaft interesante. Do t‘ju trokasin disa mundësi shumë të mira. Ka ardhur koha që të bëni disa zgjedhje për ju që gëzoni një aktivitet privat. Nëse do të bëni lëvizjet e duhura, të ardhurat tuaja do të jenë në rritje. Duhet të bëni disa llogari me shumë kujdes. Nëse keni dhënë ndonjë hua kohët e fundit, do të përjetoni stres.
Ky muaj do të jetë premtues sa i përket sektorit të dashurisë. Ditët pas javës së parë të muajit do t’ju emocionojnë. Lidhja juaj do të jetë në përmirësim e sipër dhe do të keni mundësi që bashkë me partnerin të bëni aktivitete mjaft argëtuese. Kjo do të jetë një periudhë rilindjeje dhe për çiftet me probleme. Nëse jeni në kërkim të dashurisë, bëhuni gati që dikush të godasë vërtetë në zemrën tuaj. Nëse keni nisur një lidhje në korrik dhe keni përjetuar një krizë në çift, duhet ta shfrytëzoni gushtin për të gjetur vetveten. Ky është një moment perfekt për të harruar zënkat dhe për të bërë paqe, nëse sigurisht, nuk ju mungon vullneti i mirë për ta realizuar këtë.
Ditët e para të gushtit do të jenë mjaft të tensionuara. Nuk e përjashtojmë faktin që mund të merreni edhe me probleme familjare. Do të ndesheni me disa vështirësi të vogla rreth datës 17. Kujdes me problemet ekonomike, pasi mund t’ju stresojnë dhe të ndikojnë në shëndetin tuaj.
Peshqit
Sa i takon punës, do të ndiheni të lodhur dhe të pasigurt përgjatë këtij muaji. Mund të ndodhë që t’ju ndërrohen shefat, apo të përjetoni një ndërprerje, nga e cila do e merrni veten në shtator. Mund të vendosni të ndryshoni punë, të shkëpusni lidhjet me të shkuarën, t’ia filloni nga e para edhe pse mund të jetë e rrezikshme. Të paktën prisni shtatorin për këto iniciativa, pasi gushti do të jetë një muaj i çuditshëm dhe aspak i qartë. Nuk do të jeni shumë tolerant dhe me të drejtë. Jeni ndeshur me probleme ekonomike dhe shëndetësore. Keni pasur disa mosmarrëveshje me njerëzit dhe me humorin tuaj. Do të ndjeni dëshirën për të thënë “mjaft!” dhe për t’u arratisur. Bëni mirë të qëndroni mënjanë dhe kështu të shmangni sjelljet armiqësore. Bëni kujdes me përqendrimin, pasi mund mungesa e tij mund t’ju sjellë probleme.
Një nga problemet më mëdha që keni ju të lindurit nën shenjën e peshqve, është se ndiheni vazhdimisht sikur ju kanë braktisur. Pra, ju kërkoni nga partneri një mbrojtje dhe siguri ekstra. Nëse jeni shtatzënë, apo vuani nga probleme të shkaktuara nga puna, do ta keni më të nevojshme të kërkoni ndihmë. Nëse nuk ndiheni mirë me partnerin, është moment i duhur për t’u ndarë. Mund të gjendeni të mërzitur dhe të zhgënjyer nëse personi juaj i zemrës e ka mendjen vetëm tek puna dhe është përherë larg jush. Nuk do ta keni të thjeshtë të çoni përpara një lidhje që do të nisë në gusht. Përpiquni të shmangni konfliktet në familje. Problemet ekonomike mund t’ju prishin qetësinë. Gjithsesi, mundohuni të mos e ndërlikoni kaq shumë jetën tuaj. Jo të gjithë arrijnë t’ju kuptojnë dhe kjo mund të bëjë që të mbylleni në vetvete. Nuk shkon diçka e tillë!
Në datat 6 dhe 25 mund të ndjeni shqetësime të shkaktuara nga stresi, apo nga udhëtimet e gjata. Përpiquni t’i shmangni sa më shumë problemet. Gjendeni nën një situatë me tension dhe po përjetoni shumë emocione. Do të viheni në provë prej 23 gushtit, deri më datë 31. Do t’i përjetoni me ankth gjërat që do t’ju ndodhin këtë muaj dhe do të bini në pesimizëm. Më të rrezikuar do të jenë femrat e lindura nën shenjën e peshqve.
