Dashi
Ditët e fundit, Marsi është bërë mik dhe aleat i Dashit dhe tani, edhe planetët e tjerë duket sikur po shfaqin aleancën e tyre. Kështu, me pak fjalë, jeni bërë mjaft të pëlqyer mes yjeve dhe kjo gjë ju ndihmon që ta jetoni më mirë të tashmen. Kësisoj, ndërkohë që nga e mërkura, Mërkuri do të fillojë t’ju ndihmojë, një hënë në eklips do t’i sigurojë shenjës së parë të horoskopit një periudhë mirëqenieje dhe bukurie.
Demi
Ekzistojnë momente gjatë të cilave bëhet mjaft e rëndësishme që të përpiqemi të kuptojmë se nga vijmë, që më pas të kuptojmë më mirë drejtimin dhe fatin tonë. Vëmendja duhet të përqendrohet te dita e mërkurë. Mërkuri do ta bëjë të nevojshme analizën e karrierës dhe të hapave që do të ndiqen në jetë. Kur hëna e plotë ta bëjë më të qartë atë që ju zotëroni për të kaluar në hapin e radhës, ju mund të filloni të hidheni në veprim. Gjatë fundjavës do të përpiqeni që ta mbani të gjallë dialogun me personat e afërt dhe do të dini të kërkoni ndihmë apo këshillë para një momenti dobësie.
Binjakët
Pas një periudhe në hije, Binjakët tashmë duken sikur duan ta mirëpresin sfidën e zjarrtë të Marsit, duke vendosur për të qenë protagonist në gjithçka. Falë hënës së plotë, do të gjeni forcën për të rivendosur ekuilibrat në favorin tuaj, duke mos hequr më dorë nga aftësia për të zgjedhur e për të vendosur. Gjatë fundjavës, do të keni kurajën e duhur për t’u përballur me Marsin, por këtë do ta bëni duke dialoguar me të, duke gjetur kompromisin e duhur.
Gaforrja
Ju konsideroheni si persona që keni një nevojë të vazhdueshme për të folur, për të kuptuar e për të biseduar, kështu që kur Mërkuri do të reshtë së ndërhyri, ju do të jeni mjaft të lumtur. Në fakt, duke filluar nga kjo javë, planeti i komunikimit nuk do t’ju detyrojë më që të rrëfeheni. Kjo është arsyeja pse të lindurit në shenjën e Akrepit do të bëjnë paqe me fjalët. Pas disa ditësh heshtje, gjatë fundjavës, Akrepi do të vendoset para zgjedhjesh që lidhen me kënaqësinë dhe argëtimin.
Luani
Ka ardhur momenti për të kuptuar dhe për t’u fokusuar në një realitet që ju intereson dhe që nuk e shpërfillni dot më. Keni nevojë për shumë energji për të reflektuar e për të kuptuar dhe për këtë do t’ju vijë në ndihmë Mërkuri, që do t’ju shtyjë që ta kuptoni më mirë personin tjetër që keni përballë. Kini kujdes me ato që thoni dhe mënyrën se si e thoni gjatë fundjavës. E shtuna do të jetë një ditë ku do t’ju duhet të përcillni pasion dhe energji, ndërsa e diela do të jetë një ditë më e qetë.
Virgjëresha
Kjo javë do të jetë e mbushur me sfida të vogla, me sprova dhe angazhim. Dhe kjo jo vetëm për shkak të Marsit që përpiqet t’ju bëjë të paduruar, por edhe pse Mërkuri nuk do t’ju mbështetë më dhe nuk do t’jua bëjë më situatat argëtuese. Çdo nismë konkrete duhet ta shtyni për të shtunën, sepse yjet do t’ju pajisin me energjinë e duhur për të vepruar.
Peshorja
Ndërkohë që Mërkuri bëhet më miqësor, ata që i përkasin shenjës së Peshores do të dinë të bëjnë paqe me ide, projekte dhe mendime. Nga e mërkura do të ndiheni më inteligjentë, duke ju ndihmuar ta jetoni më mirë atë që ju pëlqen dhe që e keni pasion. Duhet të tregoni kujdes gjatë fundjavës, sepse nëse përballeni me një person të vendosur dhe të drejtpërdrejtë, mund të shfaqni një mungesë force dhe besimi në vetvete. Përpiquni të mos ndiheni kurrë inferior ndaj personave që flasin me ju.
Akrepi
Jeni mjaft të vetëdijshëm për faktin që jeni shumë me fat dhe keni shumë mundësi, por në këtë moment, nuk e keni shumë të lehtë për të kuptuar se si t’i shfrytëzoni këto mundësi. Por, gjatë mesit të javës, do të ndjeni nevojën për të kuptuar se çfarë ju nevojitet që të përpiqeni të shfrytëzoni mundësitë që ju jepen. Përpiquni të kuptoni dhe t’i vlerësoni hapësirat që ju japin mundësi që të bëni përpara. Por, gjatë fundjavës do të keni një energji të veçantë.
Shigjetari
Të lindurit në këtë shenjë e nisin javën në kushte mjaft të favorshme. Duke filluar nga e mërkura, Mërkuri do t’ju ndihmojë që t’i përjetoni më mirë raportet me të tjerët. Ndërkohë, hëna e plotë do t’ju ndihmojë të përcaktoni objektiva të reja dhe të rëndësishme gjatë muajve në vijim. Por, gjatë fundjavës, yjet do t’ju japin disa detyra: gjatë të shtunës, bëni mirë t’i dorëzoheni pasionit të zjarrtë nën shoqërinë e dikujt që di se si t’ju stimulojë, ndërkohë që të dielën përpiquni të mos e ulni shumë entuziazmin.
Bricjapi
Thojini lamtumirë Mërkurit. Edhe planeti i ideve po ju braktis, duke ju lënë kështu nën shoqërinë e Saturnit, i cili ju ndihmon t’i kushtoni më shumë rëndësi gjërave praktike. Ky duket si një moment mjaft i përshtatshëm për t’u përpjekur që t’i përmirësoni ato situata që ndoshta nuk ju shkojnë aq mirë. Bëjeni tani ndërkohë që dikush është i gatshëm t’ju ndihmojë, apo të paktën, t’ju dëgjojë. Përpiquni që të jeni energjik edhe gjatë fundjavës, sepse Venusi do të përpiqet t’ju bëjë që ta humbisni entuziazmin për diçka.
Ujori
Mërkuri do t’ju pajisë me shkathtësi mendore dhe fizike dhe me një shpejtësi në mendim dhe në veprim. Kështu që tregohuni vigjilent duke ditur se jeni pajisur me aftësitë e duhura për t’u përballur me gjithçka dhe me çdo situatë. Të shtunën do të keni shumë dëshirë që të dëfreheni me miq, ndërkohë që të dielën do të reflektoni për atë që, për një arsye apo për një tjetër, ju është mohuar.
Peshqit
Marsi do t’ju bëjë mosbesues dhe nuk do t’ju japë mundësi që të ndiheni i qetë edhe para një situate të tillë, të cilën mund ta përjetonit në paqe. Por, përpiquni që të ndiheni i qetë me qëllim që të mos e prishni fundjavën, gjatë së cilës miq dhe kolegë do të përjetojnë diçka mjaft të veçantë, ndërkohë që ju nuk do të keni shumë dëshirë për gjëra të bukura.
