Dashi
Me siguri që është shumë e rëndësishme të shfaqeni të fortë e të sigurt në prani të njerëzve, duke shmangur çdolloj kompleksi inferioriteti dhe situate që na bën të jemi të varur nga të tjerët. Kjo vlen sidomos për ju që jeni të guximshëm dhe keni shpirtin e iniciativës. Tani që Marsi po largohet nga shenja juaj do të shfrytëzoni rastin për të rigjetur ekuilibrin. Duke filluar nga dita e mërkurë do të ndieni nevojën për t’u shprehur lirshëm. Të premten do të jeni të hapur për dialog.
Demi
Jupiteri dhe Marsi përbëjnë sfidat e fundit me të cilat qielli ka vendosur t’ju përballë, prandaj ju do të provoni të filloni dialogun dhe të krijoni aleanca dhe miqësi që do t’jua lehtësojnë situatën. Do të vendosni të tregoheni praktikë dhe të përqafoni çdo formë bashkëpunimi. Me siguri që kjo ka për të qenë një zgjedhje e mirë që do t’ju ndihmojë të arrini rezultate pavarësisht pengesave yjore. Përpiquni të përmirësoni marrëdhëniet me të tjerët tani që vetëm pak ditë na ndajnë nga Viti i Ri, sepse në fund të fundit në dhjetor të gjithë bëhemi pak më të mirë, edhe ju të shenjës së Demit.
Binjakët
Me largimin e Mërkurit nga shenja juaj po përballeni me situata dhe me realitete që mbase i keni përjetuar më parë, por të cilat në njëfarë mënyre duhet t’i rishqyrtoni, mbase për t’i kuptuar më mirë. Të mërkurën do t’u kushtoni rëndësi marrëdhënieve me të tjerët dhe do të tregoheni disi kritikë ndaj vetes, duke provuar të korrigjoni gabimet që mund të keni bërë. Të premten do të përpiqeni t’i gjeni një emër gjithçkaje që nuk ju pëlqen dhe që ju shtyn të tregoheni të papërgjegjshëm ose që ju bën të ndiheni të dobët.
Gaforrja
Gjatë kësaj jave do të ndiheni disi të dyzuar. Nga njëra anë do të ndjeni dëshirën për t’u dhënë pas pasioneve dhe kënaqësive që përjetoni si pasojë e afrimit të fundvitit, nga ana tjetër janë forcat që ju shtyjnë të mendoni për ndjenjat që mbase nuk janë shumë të dukshme në sytë e të tjerëve, por që janë gjithsesi shumë të rëndësishme. Jupiteri dhe Marsi do të ndikojnë pozitivisht, por me largimin e Hënës nga shenja juaj do të jeni më të hapur ndaj dialogut.
Luani
Kjo do të jetë një javë përgjithësisht e mbarë ku nuk do të mungojnë argëtimet. Por në mënyrë që punët t’ju shkojnë vaj, duhet të mos lini pas dore disa veprimtari praktike dhe përgjegjësi me të cilat do të përballeni për faj të pozicionit të paqartë të Mërkurit. Më e këndshme dhe interesante do të jetë dita e premte, kur do të mund të qartësoheni më në fund për një çështje që e keni mjaft për zemër. Në fundjavë do të ndjeni nevojën për t’u dhënë zgjidhje disa problemeve në mënyrë që të ndiheni të qetë.
Virgjëresha
Mërkuri do të jetë protagonisti i vërtetë në shenjën tuaj gjatë këtyre ditëve të fundvitit. Falë ndikimit të tij do t’ju duhet t’i rishikoni disa çështje nga një këndvështrim tjetër. Kjo mund të jetë e lodhshme, por me siguri e nevojshme. Të mërkurën përpiquni t’i jepni zgjidhje çdo çështjeje që nuk doni ta mbartni për vitin 2018. Të premten përpiquni të mos bëni figurë të keqe kur të viheni përballë provave. Një sërë angazhimesh mund t’ju bëjnë të ndiheni të lodhur në fundjavë, por yjet ju këshillojnë që ato ditë t’i kaloni në vetmi.
Peshorja
Ndoshta ngaqë do të jenë të kushtëzuar prej fillimit të vitit, të lindurit e shenjës së Peshores do të angazhohen për çfarë kanë më të rëndësishme, për atë që e konsiderojnë si misionin e tyre në jetë: raportet me të tjerët. Mërkuri ju fton të krahasoheni me ta për nga mënyra si silleni, si dhe të jeni më bujarë. Të premten do të tregoheni paragjykues, por do ta bëni sipas mënyrës suaj, pa e ekzagjeruar dhe me inteligjencë. Në fundjavë do të ndieni nevojën për të rënë në sy dhe do të derdhni të gjitha energjitë.
Akrepi
Tani që keni Marsin në shenjën tuaj do të keni mundësi të angazhoheni për çështjet më pak personale, më praktike dhe konkrete. Do të jeni të qartë për mënyrën si duhet të veproni për t’u dhënë zgjidhje disa problemeve që kanë të bëjnë me paratë dhe gjëra të tjera, si dhe do të dini të angazhoni personat e duhur që mund t’ju ndihmojnë. Në fundjavë do të jeni në gjendje të përballoni ndryshimet që mund të ndikojnë në ekuilibrat profesionalë.
Shigjetari
Gjatë kësaj jave do të ndihet shumë ndikimi i Diellit dhe i Mërkurit në shenjën e Shigjetarit. Ky fakt mund t’ju gëzojë ose t’ju bëjë të ndiheni të shqetësuar. Ndikimi i këtyre planetëve do të kushtëzojë të tashmen tuaj. Do të vini dikë në provë aty nga mesi i javës dhe më pas do të provoni ta ndreqni sjelljen tuaj me anë të kompromisit apo duke kërkuar ndjesë. Kësisoj askush s’do të ndihet në faj. Të shtunën do të ndieni nevojën për t’u arratisur, për të bërë udhëtime dhe për të zbuluar gjëra të reja. Ndoshta këtë mund ta keni si synim për vitin 2018.
Bricjapi
Pas vetëm disa ditësh, ndoshta për ta bërë dhe më madhështore praninë e tij, Saturni do të hyjë ashtu si pa u ndier në shenjën tuaj. Kështu, kjo do të jetë një javë e mbushur me ide dhe do të mund të besoni në gjërat që ende nuk i shikoni. Përfitoni nga kjo periudhë për ta vlerësuar situatën me intuitë, duke i dhënë përparësi ndjenjave dhe jo logjikës. Të premten mund të përballeni me diçka të pakëndshme në aspektin profesional, por është e këshillueshme që të prisni momentin e përshtatshëm për të qenë më të qartë.
Ujori
Në javën që do të vijë, do të angazhoheni së tepërmi për të kënaqur ata që do të ndikojnë në të tashmen tuaj. Të mërkurën dikush do të ndiejë papritmas nevojën për të folur me ju, por mos i kushtoni shumë rëndësi asaj që ka për t’ju thënë. Të shtunën do t’ju duhet të përballeni me dikë që ka dëshirën për të bërë ndryshime, por kjo mund t’ju duket argëtuese. Ndryshe nga ju, jo të gjithë do të ndiejnë nevojën për paqe e qetësi.
Peshqit
Me siguri që prania e Jupiterit në shenjën tuaj ju bën të ndiheni më energjikë, më në humor dhe do të mund të vlerësoni gjërat më të bukura të momentit. Por jo të gjithë kanë fatin e mirë që të mund të mbështeten në ndikimin pozitiv të yjeve. Të mërkurën do të përballeni me dikë që ka nevojë për përgjigje dhe për të qenë më i qartë. Të premten do të jeni në shoqërinë e personave entuziastë dhe optimistë. Java do të mbyllet bukur me praninë e Diellit dhe Uranit në shenjën tuaj dhe entuziazmi i të tjerëve do të jetë ngjitës për ju.
