Trajtojeni gjumin e mjaftueshëm sikur të jetë po aq i rëndësishëm sa marrja e ilaçeve
Me të gjitha angazhimet që mund të keni gjatë ditës, ju mund të vendosni një pushim të mirë gjatë natës në fund të listës suaj prioritare, edhe pse duhet të planifikojmë kohën e duhur për gjumë.
Mbani një kohë të qëndrueshme zgjimi
Zgjohuni në të njëjtën kohë çdo ditë, duke përfshirë fundjavat ose ditët e pushimit. Zgjimi në të njëjtën kohë çdo ditë në fakt do t’ju ndihmojë të flini më mirë gjatë natës. Një kohë fikse zgjimi ndihmon për të krijuar një dëshirë të fortë për gjumë gjatë gjithë zgjimit. Fjetja në fundjavë e bën shumë më të vështirë zgjimin më herët të hënën në mëngjes.
Hiqni tutje smartphone-t dhe tabletët
Pajisjet elektronike e mbajnë mendjen tuaj të zhurmshme dhe larg gjendjes së relaksimit që duhet të arrini para gjumit. Doktorët këshillojnë që është një ide e mirë që të largohen pajisjet si telefonat dhe tabletët të paktën një orë para gjumit.
Nëse zgjoheni gjatë natës, shmangni shikimin e orës
Në momentin që shikoni orën, nuk është vetëm shikimi i një numri. Ju filloni llogaritjet mendore, mendoni se sa kohë ka kaluar që kur jeni në shtrat dhe çfarë duhet të bëni të nesërmen. Dhe para se ta kuptoni, ka kaluar një kohë e gjatë dhe kjo shkurton kohën tuaj të gjumit.
