Në prag mandatit të dytë të qeverisë Rama 2 siç është quajtur në media, janë bërë të ditura disa nga ndryshimet në strukturën e qeverisjes dhe ministrive.
Thuhet se Ministria e Bujqësisë do të bashkohet me atë të Mjedisit, Turizmi me Kulturën dhe Sportin. Ekonomia me Energjinë dhe Zhvillimi Urban me Pushtetin Vendor.
Përveç shkrirjeve, e reja e skeletit të qeverisë së re është diskutimi i dy ministrive.
Rama ka në plan një Ministri të Gruas dhe një të Thesarit. Nuk dihen ende më tepër detaje rreth këtyre fjalëve.
Po ashtu nuk dihet nëse qeveria e re do të ketë një përqindje të lartë grash, por duke marrë parasysh se Rama ka krijuar imazhin e një luftëtari të barazisë gjinore, kjo ka shumë mundësi të ndodhë.
Vetëm diçka është e sigurt, Gramoz Ruçi do të jetë në krye të Kuvendit për katër vitet e ardhshme./ Top Channel.
