Jeni në fund të pushimeve ose shumë prej jush i kanë mbaruar! Atëherë është koha e duhur për t’i kushtuar rëndësi lëkurës suaj, e cila është e dehidratuar, e thatë, me quka ose me njolla nga dielli. Por për çdo gjë ka një zgjidhje! Në këtë periudhë kujdesi ndaj lëkurës duhet të jetë më i madh. Ja çfarë duhet të bëni:
1.Maska ushqyese dhe hidratuese për lëkurën
Përdorni përbërës si: Xheli i Aloe Verës, mjalti, kosi. Ne ju porpozojmë tre maska shumë të thjeshta që mund t’i realizoni në kushte shtëpie:
Maska e parë: Mjafton vetëm xhel Aloe Vera që ta aplikoni në lëkurën tuaj pas dushit.
Maska e dytë: Përzieni një lugë ujë dhe një lugë qumësht. Acidi laktik që përmban qumështi ka veti anti-inflamatore, do të qetësojë skuqjen nga dielli dhe do të hidratojë lëkurën në thellësi.
Maska e tretë: Përzieni një lugë kos dhe një lugë mjalti organik, mbajeni për 15 minuta dhe lëkura juaj do t’ju falënderojë.
2.Kremi hidratues
Hidratimi që vjen nga maskat në kushte shtëpie nuk është shumë i mjaftueshëm, ndaj është i nevojshëm një krem hidratues. Ai është një “must” pas plazhit. Zgjidhni diçka me përmbajte antioksidanti, pasi nxit qarkullimin e gjakut dhe rigjeneron lëkurën. Kështu ai vepron mirë ndaj njollave kafe nga dielli.
3.Largoni qelizat e vdekura
Sjellja e shkujdesur në plazh dhe mungesa e një kujdesi të duhur ndaj lëkurës bëjnë që ne të shndërrohemi në një depozitë qelizash të vdekura. Lëkura e fytyrës dhe e trupit ka nevojë për “scrub” pas periudhës se plazhit për të larguar qelizat e vdekura dhe për t’i lënë vend trajtimeve të lëkurës që maskat ose kremrat të bëjnë punën e tyre.
3.Mos e harroni kremin e diellit
Pavarësisht se pushimet mbaruan kremi me SPF është një “must”, të paktën me SPF 30.
4.Buzët
Nuk e di përse i lemë gjithmonë në hije. Bëjini dhe atyre një “scrub” dhe vendosni një balsam për t’i hidratuar mjaftueshëm.
5.Kujdesuni edhe për këmbët tuaja
Gurët, rëra, sandalet i kanë dëmtuar thembrat tuaja. Vendosini këmbët në një enë me ujë të vakët të zbuten e me pas mund të përdorni një përzierje me vaj ulliri dhe kripë për të lëmuar thembrat.
Burimi: Harper’s Bazaar
